ചെറുതോണി: കേരളം ഭരിക്കുന്നത് പോപ്പുലര്‍ ഫ്രണ്ടിന്റെ ബി ടീം ആണെന്നും ഇടതുപക്ഷ ഭരണത്തിന്റെ കീഴില്‍ ഇസ്ലാമിക ഭീകരവാദം തഴച്ചു വളരുകയാണെന്നും യുവമോര്‍ച്ച ഇടുക്കി ജില്ലാ വൈസ് പ്രസിഡന്റ് അനന്ദു മങ്കാട്ടില്‍ ആരോപിച്ചു.
ഹിന്ദു ആചാരങ്ങളെയും വിശ്വാസങ്ങളെയും അപമാനിച്ച നിയസഭാ സ്പീക്കര്‍ എ.എന്‍. ഷംസീര്‍ രാജി വെക്കണമെന്ന് ആവശ്യപെട്ട് യുവമോര്‍ച്ച ഇടുക്കി മണ്ഡലം കമ്മിറ്റിയുടെ നേതൃത്വത്തില്‍ കഞ്ഞിക്കുഴിയില്‍ നടന്ന പ്രതിഷേധ പ്രകടനവും കോലം കത്തിക്കലും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കേരളം ഭീകരവാദികളുടെ ഹബ് ആയി മാറിയിരിക്കുന്നു ഭീകരവാദത്തിന് പ്രോത്സാഹനം നല്‍കുന്ന നിലപാടാണ് ഇടതുപക്ഷ സര്‍ക്കാര്‍ നടത്തുന്നത് ഇതിന്റെ പ്രത്യക്ഷ ഉദാഹരണം ആണ് ഹിന്ദു ആചാരങ്ങളെയും വിശ്വാസംങ്ങളെയും അപമാനിക്കുന്ന തരത്തിലുള്ള നിയമസഭ സ്പീക്കര്‍ എഎന്‍ ഷംസീര്‍ന്റെ പ്രസ്താവനയെന്നും ഇതിനെതിരെ പ്രതിഷേധം നടത്തിയ യുവമോര്‍ച്ച പ്രവര്‍ത്തകര്‍ക്കെതിരെ സിപിഎം നേതാവ് ജയരാജന്‍ നടത്തിയ കൊലവിളി പ്രസംഗമെന്നും അദ്ദേഹം ആരോപിച്ചു.
സ്പീകര്‍ സ്ഥാനത്തു തുടരാന്‍ ഷംസീറിന് അര്‍ഹതിയില്ലെന്നും ഹിന്ദു വിശ്വാസത്തെ അപമാനിച്ച സ്പീക്കര്‍ തല്‍സ്ഥാനത്ത് നിന്നും രാജിവെക്കണമെന്നും അദ്ദേഹം ആവിശ്യപെട്ടു. ബിജെപി ഇടുക്കി മണ്ഡലം വൈസ് പ്രസിഡന്റ് സുധന്‍ പള്ളിവിളാകത്ത് മുഖ്യപ്രഭാഷണം നടത്തി. മണ്ഡലം സെക്രട്ടറി സുരേഷ് തെക്കേക്കുറ്റ്, ഒബിസി മോര്‍ച്ച മണ്ഡലം പ്രസിഡന്റ് രാജേന്ദ്രന്‍ പച്ചിലാകുന്നേല്‍, മഹിളാമോര്‍ച്ച ജില്ലാ വൈസ് പ്രസിഡന്റ് മിനി മുരളി, സുനില്‍ കെആര്‍, ഒഎസ് വേണു സിറോഷ് ജോസ്, ജിന്റോ ജോസഫ്, രാജേഷ് റ്റിറ്റി, രാജു റ്റി. എസ്. എന്നിവര്‍ പ്രതിഷേധ പരിപാടികള്‍ക്ക് നേതൃത്വം നല്‍കി.
പ്രതികരിക്കാൻ ഇവിടെ എഴുതുക: