ചെന്നൈ: സഖ്യകക്ഷിയായ കോണ്ഗ്രസിന്റെ തനിപ്പകര്പ്പായി ഡിഎംകെയും മക്കള് രാഷ്ട്രീയത്തെ മുറുകെപ്പിടിക്കുന്നു. രണ്ട് ദിവസത്തിനകം മന്ത്രിസ്ഥാനത്തേക്ക് മകന് ഉദയനിധി സ്റ്റാലിന് അവരോധിക്കപ്പെടുന്നതോടെ സ്റ്റാലിന് ശേഷം ആര് എന്ന ചോദ്യത്തിന് ഉത്തരമാവുകയാണ്. കരുണാനിധി തുടക്കമിട്ട മക്കള് രാഷ്ട്രീയം സ്റ്റാലിന് ശേഷം മകന് ഉദയനിധി സ്റ്റാലിനിലേക്ക്. അടുത്ത ദിവസം തമിഴ്നാട് മുഖ്യമന്ത്രി സ്റ്റാലിന്റെ മകന് ഉദയനിധി സ്റ്റാലിന് മന്ത്രിയായി സത്യപ്രതിജ്ഞ ചെയ്യുകയാണെന്ന് വാര്ത്ത സജീവമായിക്കഴിഞ്ഞു. .
ചെപ്പോക് മണ്ഡലത്തില് നിന്നുള്ള എംഎല്എയാണ് ഉദയനിധി സ്റ്റാലിന്. കരുണാനിധിയുടെ സ്ഥിരം കോട്ടയായ ചെപ്പോക്കില് കരുണാനിധിയുടെ മരണത്തിന് ശേഷമാണ് ഉദയനിധി സ്റ്റാലിന് മത്സരിച്ചത്. റെക്കോഡ് ഭൂരിപക്ഷത്തിന് വിജയിക്കുകയും ചെയ്തു.
പൊതുജനക്ഷേമകാര്യ വകുപ്പോ കായിക, യുവജനകാര്യ വകുപ്പോ ഉദയനിധിയ്ക്ക് ലഭിച്ചേക്കുമെന്ന് കരുതുന്നു. സര്ക്കാരിന്റെ ക്ഷേമപദ്ധതികള് നടപ്പാക്കുന്ന വകുപ്പ് എന്ന നിലയില് സ്റ്റാലിന് നല്ല ജനപിന്തുണ ഉറപ്പാക്കാന് സാധ്യതയുള്ള പൊതുജനക്ഷേമകാര്യവകുപ്പ് കിട്ടിയാല് ജനമനസ്സില് കൂടുതല് ഇടം പിടിക്കാന് മകന് കഴിയുമെന്ന് സ്റ്റാലിന് കണക്കുകൂട്ടുന്നു. രണ്ട് ദിവസത്തിനുള്ളില് ഉദയനിധി സ്റ്റാലിന് മന്ത്രിയായി സത്യപ്രതിജ്ഞ ചെയ്യുമെന്നാണ് അറിയുന്നത്.
പ്രതികരിക്കാൻ ഇവിടെ എഴുതുക: