ചെന്നൈ: നികുതി വെട്ടിപ്പ് നടത്തിയെന്ന സംശയത്തെ തുടര്‍ന്ന് തമിഴ്നാട്ടില്‍ സിനിമാ നിര്‍മ്മാതാക്കളുടേയും വിതരണക്കാരുടേയും വീടുകളിലും ഓഫീസുകളിലും ആദായ നികുതി വകുപ്പിന്റെ റെയ്ഡ്. കലൈപുലി താണു, എസ്ആര്‍ പ്രഭു, അന്‍പുചെഴിയന്‍, ജ്ഞാനവേല്‍ രാജ തുടങ്ങിയ പ്രമുഖരുടെയെല്ലാം സ്ഥലങ്ങളില്‍ റെയ്ഡ് നടക്കുന്നുണ്ട്.
രാവിലെ ആറ് മണിയോടെയാണ് ഉദ്യോഗസ്ഥര്‍ തിരച്ചില്‍ ആരംഭിച്ചത്. അന്‍പുചെഴിയന്റെ വീട്ടിലും, മധുരയിലും ചെന്നൈയിലുമുള്ള ഓഫീസുകളിലുമാണ് റെയ്ഡ്. ഇത് മൂന്നാം തവണയാണ് ആദായനികുതി വകുപ്പ് അന്‍പുചെഴിയന്റെ സ്ഥാപനത്തില്‍ റെയ്ഡ് നടത്തുന്നത്. വിജയ് നായകനായ ബിഗില്‍ സിനിമയുടെ റിലീസിന് പിന്നാലെ അന്‍പുചെഴിയന്റെ വീട്ടില്‍ റെയ്ഡ് നടത്തിയിരുന്നു. അന്ന് 65 കോടിയോളം രൂപയാണ് അവിടെ നിന്ന് കണ്ടെടുത്തത്. 2017ല്‍ അശോക് കുമാര്‍ എന്ന നിര്‍മ്മാതാവ് ആത്മഹത്യ ചെയ്തതിന് പിന്നില്‍ അന്‍പുചെഴിയാനാണെന്ന തരത്തില്‍ റിപ്പോര്‍ട്ടുകള്‍ ഉണ്ടായിരുന്നു.
പ്രതികരിക്കാൻ ഇവിടെ എഴുതുക: