ആലപ്പുഴ: ജില്ലയില്‍ കുട്ടികള്‍ക്കുള്ള വാക്സിനേഷന് നാളെ ആരംഭിക്കുമെന്ന് ജില്ലാ കളക്ടര്‍ എ. അലക്സാണ്ടര്‍ അറിയിച്ചു. 15 മുതല്‍ 18 വരെ പ്രായമുള്ള കുട്ടികള്‍ക്ക് ഓണ്‍ലൈന്‍ ബുക്കിംഗിലൂടെയും സ്പോട്ട് രജിസ്ട്രേഷനിലൂടെയും വാക്സിന് സ്വീകരിക്കാം. ഓണ്‍ലൈന്‍ ബുക്കിംഗ് ംംം.രീംശി.ഴീ്.ശി പോര്‍ട്ടലില്‍ ഇന്നലെ ആരംഭിച്ചു. കോവാക്സിനാണ് ഇവര്‍ക്ക് നല്‍കുന്നത്. ജനുവരി 10 വരെ വാക്സിനേഷന് കേന്ദ്രങ്ങളില്‍ കുട്ടികള്‍ക്ക് കുത്തിവയ്‌പ്പ് എടുക്കുന്നതിന് സൗകര്യമുണ്ടാകും.
ജനറല്‍ ആശുപത്രികള്‍, താലൂക്ക് ആശുപത്രികള്‍, സാമൂഹികാരോഗ്യ കേന്ദ്രങ്ങള്‍ എന്നിവിടങ്ങളില്‍ നാളെമുതല്‍ ബുധനാഴ്‌ച്ച ഒഴികെയുള്ള എല്ലാ ദിവസങ്ങളിലും വാക്സിന് നല്‍കും. എല്ലാം പ്രാഥമികാരോഗ്യ കേന്ദ്രങ്ങളിലും കുടുംബാരോഗ്യ കേന്ദ്രങ്ങളിലും ചൊവ്വ, വ്യാഴം, ശനി ഞായര്‍ ദിവസങ്ങളില്‍ കുട്ടികള്‍ക്കായുള്ള വാക്സിനേഷന് ഉണ്ടാകും.
2007ലോ അതിനു മുന്‍പോ ജനിച്ചവര്‍ക്ക് പോര്‍ട്ടലില്‍ വ്യക്തിഗത വിവരങ്ങള്‍ നല്‍കി രജിസ്റ്റര്‍ ചെയ്‌തോ, നേരത്തെ രജിസ്റ്റര്‍ ചെയ്ത മുതിര്‍ന്നവരുടെ അക്കൗണ്ട് മുഖേനയോ വാക്സിന് സ്ലോട്ട് ബുക്ക് ചെയ്യാം. ആധാര്‍ കാര്‍ഡോ സ്‌കൂള്‍ ഐഡന്റിറ്റി കാര്‍ഡോ രജിസ്‌ട്രേഷന് തിരിച്ചറിയല്‍ രേഖയായി ഉപയോഗിക്കാം. വാക്സിന് എടുക്കാന്‍ എത്തുമ്പോള്‍ ഈ തിരിച്ചറിയല്‍ രേഖ കൊണ്ടുവരണം.
പ്രതികരിക്കാൻ ഇവിടെ എഴുതുക: