ആലപ്പുഴ: ബൈപ്പാസില്‍ വാഹനാപകടം, മൂന്നു പേര്‍ക്ക് പരിക്ക്. മാളികമുക്കിന് സമീപം ബൈപ്പാസില്‍ ലോറിയും പിക്കപ്പ് വാനും കൂട്ടിയിടിച്ചാണ് അപകടം. കഴിഞ്ഞ ദിവസം അര്‍ദ്ധരാത്രിയായിരുന്നു സംഭവം. ആലുവയില്‍ നിന്ന് തിരുവനന്തപുരത്തേക്ക് പോകുകയായിരുന്ന ലോറിയും തമിഴ്‌നാട് മാര്‍ത്താണ്ഡത്ത് നിന്ന് കോഴിക്കോടേക്ക് ഫൈബര്‍ വള്ളവുമായി പോകുകയായിരുന്ന പിക്കപ്പ് വാനുമാണ് കൂട്ടിയിടിച്ചത്.
ഇരു വാഹനങ്ങളും ബൈപ്പാസിന്റെ കൈവരിയില്‍ ഇടിച്ച നിലയിലായിരുന്നു. ലോറിയുടെ ഡ്രൈവര്‍ മുസന്നന്‍ (36) ഇടിയുടെ ആഘാതത്തില്‍ക്യാ ബിനില്‍ കുടുങ്ങിയ നിലയിലായിരുന്നു. അഗ്‌നിരക്ഷാസേന സ്ഥലത്തെത്തിയാണ് ഇയാളെ രക്ഷപ്പെടുത്തി ആലപ്പുഴ മെഡിക്കല്‍ കോളേജ് ആശുപത്രിയില്‍ എത്തിച്ചത്.
പിക്കപ്പ് വാനിലുണ്ടായിരുന്ന തമിഴ്‌നാട് സ്വദേശികളും സഹോദരങ്ങളുമായ ജോണ്‍സ്, പ്രിന്‍സ് എന്നിവരെ പരിക്കുകളോടെ നേരത്തെ ആശുപത്രിയില്‍ പ്രവേശിപ്പിച്ചു. പിക്കപ്പ് വാനിലുണ്ടായിരുന്ന ഫൈബര്‍ വള്ളം ബൈപ്പാസിന് താഴേയ്‌ക്ക് വീണ നിലയിലായിരുന്നു. ആലപ്പുഴ ഫയര്‍ ആന്റ് റസ്‌ക്യു അസി.സ്റ്റേഷന്‍ ഓഫിസര്‍ ടി സാബുവിന്റെ നേതൃത്വത്തിലുള്ള സംഘമാണ് രക്ഷാപ്രവര്‍ത്തനം നടത്തിയത്.
പ്രതികരിക്കാൻ ഇവിടെ എഴുതുക: