മലപ്പുറം: സ്വന്തം മണ്ഡലമായ വയനാട് സന്ദര്‍ശിക്കാന്‍ രാഹുല്‍ ഗാന്ധി കേരളത്തില്‍. രാവിലെ 8:30 ന് കരിപ്പൂര്‍ വിമാനത്താവളത്തില്‍ എത്തിയ അദേഹത്തെ കെപിസിസി അധ്യക്ഷന്‍ കെ സുധാകരന്‍, പ്രതിപക്ഷ നേതാവ് വി.ഡി സതീശന്‍ എന്നിവര്‍ ചേര്‍ന്ന് സ്വീകരിച്ചു. വയനാട്ടില്‍ മൂന്ന് ദിവസം ചിലവഴിക്കും.
നിയമസഭാ തെരഞ്ഞെടുപ്പ് പരാജയശേഷം ആദ്യമായാണ് കോണ്‍ഗ്രസ് മുന്‍ അധ്യക്ഷന്‍ കേരളത്തില്‍ എത്തുന്നത്. ഗാന്ധിപ്രതിമ അനാച്ഛാദനം അടക്കം മൂന്ന് ദിവസത്തെ പരിപാടികളാണ് വയനാട്ടില്‍ നിശ്ചയിച്ചിരിക്കുന്നത്. നാളെ മലപ്പുറത്ത് നടക്കുന്ന വിവിധ പരിപാടികളിലും പങ്കെടുക്കും.
റോഡ് മാര്‍ഗം വയനാട്ടിലേക്ക് തിരിക്കുന്ന അദ്ദേഹം വയനാട്ടിലെ സന്ദര്‍ശനത്തിന് ശേഷം 17ന് വയനാട് കളക്ടറേറ്റിലെ യോഗത്തിലും ശേഷം മലപ്പുറത്തെയും വിവിധ പരിപാടികളില്‍ പങ്കെടുക്കും. 18 ന് രാവിലെ പ്രത്യേക വിമാനത്തില്‍ രാഹുല്‍ ഗാന്ധി ഡല്‍ഹിയിലേക്ക് തിരിക്കും.
പ്രതികരിക്കാൻ ഇവിടെ എഴുതുക: