ലണ്ടന്‍: യൂറോ 2020 ലെ ടോപ്പ്് സ്‌കോറര്‍ക്കുള്ള ഗോള്‍ഡണ്‍ ബൂട്ടിനായുള്ള മത്സരത്തില്‍ പോര്‍ച്ചുഗലിന്റെ ക്രിസ്റ്റ്യാനോ റൊണാള്‍ഡോയും ചെക്ക് റിപ്പബഌക്കിന്റെ പാട്രിക്ക് ഷിക്കും അഞ്ചു ഗോള്‍ വീതം നേടി ഒപ്പത്തിനൊപ്പം നില്‍ക്കുകയാണ്.
ഡെന്മാര്‍ക്കിനെതിരായ ക്വാര്‍ട്ടര്‍ ഫൈനലില്‍ ഗോള്‍ നേടിയാണ് പാട്രിക്ക് ഷിക്ക് റോണോയ്‌ക്കൊപ്പം എത്തിയത്്. പോര്‍ച്ചുഗല്‍ പ്രീ ക്വാര്‍ട്ടറിലും ചെക്ക് ക്വാര്‍ട്ടറിലും പുറത്തായതിനാല്‍ റോണോയ്‌ക്കും ഷിക്കിനും ഇനി ഗോള്‍ അടിക്കാന്‍ അവസരമില്ല.
ഫ്രാന്‍സിന്റെ കരീം ബെന്‍സേമ, സ്വീഡന്റെ എമില്‍ ഫോസ്‌ബെര്‍ഗ്, ബെല്‍ജിയത്തിന്റെ റൊമേലു ലുകാകു എന്നിവര്‍ നാലു ഗോള്‍ വീതം നേടി രണ്ടാം സ്ഥാനത്ത്് നില്‍ക്കുന്നു. ഏഴു താരങ്ങള്‍ മൂന്ന്് ഗോള്‍ വീതം നേടി മൂന്നാം സ്ഥാനത്തുണ്ട് .ഇതില്‍ ഇംഗ്ലണ്ടിന്റെ റഹീം സ്‌റ്റെര്‍ലിങ്, ഹാരി കെയ്ന്‍, ഡെന്മാര്‍ക്കിന്റെ കാസ്പര്‍ ഡോള്‍ബെര്‍ഗ്് എന്നിവര്‍ക്ക് ഇനിയും ഗോള്‍ നേടി മുന്നിലെത്താന്‍ അവസരം ഉണ്ട്. കാരണം ഇംഗ്ലണ്ടും ഡെന്മാര്‍ക്കും സെമിയിലെത്തിയിട്ടുണ്ട്്.
പ്രതികരിക്കാൻ ഇവിടെ എഴുതുക: