ലണ്ടന്‍: പോര്‍ച്ചുഗല്‍ സൂപ്പര്‍ സ്‌ട്രൈക്കര്‍ ക്രിസ്റ്റിയാനോ റൊണാള്‍ഡോ യൂറോ 2020 ല്‍ ഗോളടിയില്‍ ഒന്നാം സ്ഥാനത്ത്് തുടരുകയാണ്. പ്രീ ക്വാര്‍ട്ടര്‍ മത്സരങ്ങള്‍ അവസാനിച്ചപ്പോള്‍ റൊണോ അഞ്ചു ഗോളുകളുമായി ഗോള്‍ഡന്‍ ബൂട്ട് മത്സരത്തില്‍ മുന്നിട്ടു നില്‍ക്കുകയാണ്.
ചെക്ക് റിപ്പബഌക്കന്റെ പാട്രിക്ക് ഷിക്ക്, ഫ്രാന്‍സിന്റെ കരീം ബെന്‍സേമ, സ്വീഡന്റെ എമില്‍ ഫോസ്ബര്‍ഗ് എന്നിവര്‍ നാലു ഗോള്‍ വീതം നേടി രണ്ടാം സ്ഥാനത്ത് നില്‍ക്കുന്നു.
പോളണ്ടിന്റെ റോബര്‍ട്ട് ലെവന്‍ഡോസ്‌കി, സ്വിറ്റ്‌സര്‍ലന്‍ഡിന്റെ ഹാരിസ് സെഫറോവിച്ച്്, ഇംഗ്ലണ്ടിന്റെ റഹിം സ്‌റ്റെലിങ്, ബെല്‍ജിയത്തിന്റെ റൊമേലു ലുകാകു, നെതര്‍ലന്‍ഡിന്റെ ജോര്‍ജിനോ വിജ്‌നാള്‍ഡം എന്നിവര്‍ മൂന്ന്് ഗോള്‍ വീതം നേടി മൂന്നാം സ്ഥാനത്തുണ്ട്. പോര്‍ച്ചുഗല്‍ പുറത്തായതിനാല്‍ റൊണാള്‍ഡോയ്‌ക്ക് ഇനി ഗോള്‍ അടിക്കാന്‍ അവസരം ഇല്ല. അതിനാല്‍ ക്വാര്‍ട്ടറിലെത്തിയ ചെക്കിന്റെ പാട്രിക്ക് ഷിക്ക്, സ്വിറ്റ്്‌സര്‍ലന്‍ഡിന്റെ സെഫറോവിച്ച്, ബെല്‍ജിയത്തിന്റെ റൊമേലു ലുകാകു, ഇംഗ്ലണ്ടിന്റെ റഹീം സ്്‌റ്റെര്‍ലിങ് തുടങ്ങിയവര്‍ക്ക്്് റോണോയെ മറികടന്ന് ഒന്നാം സ്ഥാനത്തെത്താനാകും.
പ്രതികരിക്കാൻ ഇവിടെ എഴുതുക: