കൊല്ലം: ജില്ലയിലെ വിവിധ പോലീസ് സ്റ്റേഷന്‍ പരിധികളില്‍നിന്നും നിരവധി പേര്‍ ഓപ്പറേഷന്‍ പി ഹണ്ടില്‍ കുടുങ്ങി. അശ്ലീല സൈറ്റുകള്‍ സന്ദര്‍ശിച്ച് കുട്ടികളുടെ ലൈംഗികത ആസ്വദിക്കുന്നവരാണ് പിടിയിലായത്.
കൊല്ലം സിറ്റി പോലീസ് പരിധിയില്‍ 20 കേസുകളെടുത്തു. സൈബര്‍ഡോമില്‍ നിന്നും ലഭിച്ച രഹസ്യവിവരത്തിന്റെ അടിസ്ഥാനത്തില്‍ ഓച്ചിറ, കരുനാഗപ്പളളി, ചവറ, തെക്കുംഭാഗം, അഞ്ചാലുംമൂട്, കിളികൊല്ലൂര്‍, ഇരവിപുരം, കൊല്ലം വെസ്റ്റ്, കൊട്ടിയം, ചാത്തന്നൂര്‍, പരവൂര്‍, പാരിപ്പളളി, കണ്ണനല്ലൂര്‍ എന്നീ പോലീസ് സ്റ്റേഷന്‍ പരിധികളില്‍ ജില്ലാ സൈബര്‍ സെല്ലിന്റെ സഹായത്തോടെ ഒരേ സമയം ഓപ്പറേഷന്‍ പി ഹണ്ട് 21.1 എന്ന പേരിലായിരുന്നു റെയ്ഡ്.
22 ഇടങ്ങളിലായി നടത്തിയ പരിശോധനയില്‍ ലാപ്പ്‌ടോപ്പ്, കംമ്പ്യൂട്ടര്‍, അനുബന്ധ സാമഗ്രികള്‍, മൊബൈല്‍ ഫോണുകള്‍ എന്നിവ പിടിച്ചെടുത്ത് ഫോറന്‍സിക്ക് പരിശോധനയ്‌ക്കായി അയച്ചു. ഈ കേസുകളിലായി പെണ്ടാതുമേഖല സ്ഥാപനത്തിലെ ജീവനക്കാരന്‍, കരാര്‍ ജീവനക്കാര്‍, ഐടി പ്രൊഫഷണലുകള്‍, ഉയര്‍ന്ന ബിരുദമുളളവര്‍, തൊഴില്‍രഹിതര്‍, വിദ്യാര്‍ഥികള്‍ തുടങ്ങിയവരാണ് പ്രതികള്‍.
പ്രതികരിക്കാൻ ഇവിടെ എഴുതുക: