ആലപ്പുഴ: ജില്ലയില്‍ ഇന്നലെ 1984 പേര്‍ക്ക് കോവിഡ് സ്ഥിരീകരിച്ചു. 1780 പേര്‍ രോഗമുക്തരായി. 17.32 ആണ് ടെസ്റ്റ് പോസിറ്റിവിറ്റി നിരക്ക്. രണ്ടുപേര്‍ വിദേശത്തു നിന്നും രണ്ടു പേര്‍ മറ്റ് സംസ്ഥാനത്തു നിന്നും എത്തിയതാണ്. 1977 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. മൂന്നു പേരുടെ സമ്പര്‍ക്ക ഉറവിടം വ്യക്തമല്ല. ആകെ 1,49,771 പേര്‍ രോഗമുക്തരായി. 20,008 പേര്‍ ചികിത്സയിലുണ്ട്.
ജില്ലയിലാകെ നിരീക്ഷണത്തില്‍ കഴിയുന്നത് 54115 പേരാണ്. ഇന്നലെ 3549 പേരെ നിരീക്ഷണത്തിലാക്കി. 6609 പേരെ ഒഴിവാക്കി. വൈറസ് ബാധിച്ച് ആശുപത്രികളില്‍ 416 പേരും, സിഎഫ്എല്‍ടിസികളില്‍ 2133 പേരും ചികിത്സയില്‍ കഴിയുന്നു. വീടുകളില്‍ ഐസൊലേഷനില്‍ കഴിയുന്നത് 15102 പേരാണ്. ഇന്നലെ 11422 സാമ്പിളുകള്‍ പരിശോധനയ്‌ക്ക് അയച്ചു.
പ്രതികരിക്കാൻ ഇവിടെ എഴുതുക: