പാരീസ്: ബ്രസീലിയന്‍ സൂപ്പര്‍ സ്റ്റാര്‍ നെയ്മര്‍ 2025 വരെ പാരീസ് സെന്റ് ജര്‍മ(പിഎസ്ജി) നില്‍ തുടരും. നെയ്മറുമായുള്ള കരാര്‍ മൂന്ന് വര്‍ഷത്തേക്ക്് പുതുക്കിയതായി ഫ്രഞ്ച്് ലീഗ് ടീം പിഎസ്ജി അറിയിച്ചു.
കരാറിന്റെ കാലാവധി അടുത്ത ജൂണില്‍ അവസാനിക്കാനിരിക്കെയാണ് പിഎസ്ജി നെയ്മറുമായി പുതിയ കരാര്‍ ഒപ്പുവച്ചത്. ഫ്രഞ്ച്് സ്‌ട്രൈക്കര്‍ എംബാപ്പെയുമായുള്ള കരാറും അടുത്ത ജൂണില്‍ അവസാനിക്കും. എന്നാല്‍ എംബാപ്പെ ഇതുവരെ കരാര്‍ പുതുക്കിയിട്ടില്ല. സ്പാനിഷ് ലീഗ് ടീമായ റയല മാഡ്രിഡിലേക്ക് എംബാപ്പെ പോയേക്കുമെന്ന് റിപ്പോര്‍ട്ടുണ്ട്.
സ്പാനിഷ് ലീഗ് ടീമായ ബാഴ്‌സലോണയില്‍ നിന്നാണ് നെയ്മര്‍ പിഎസ്ജിയില്‍ എത്തിയത്. ഇത്‌വരെ 112 മത്സരങ്ങള്‍ കളിച്ചു. 85 ഗോളുകളും നേടി.
പ്രതികരിക്കാൻ ഇവിടെ എഴുതുക: