ലണ്ടന്‍: മാഞ്ചസ്റ്റര്‍ സിറ്റി പ്രീമിയര്‍ ലീഗില്‍ കുതിപ്പ് തുടരുന്നു. ആസ്്്റ്റണ്‍ വില്ലയെ ഒന്നിനെതിരെ രണ്ട് ഗോളുകള്‍ക്ക് തോല്‍പ്പിച്ചു. ഇരുപതാം സെക്കന്‍ഡില്‍ ഗോള്‍ വഴങ്ങി പിന്നാക്കം പോയ സി്റ്റി ശക്തമായ പോരാട്ടത്തിലൂടെയാണ് വിജയം നേടിയത്.
മക്ഗിന്നാണ് തുടക്കത്തില്‍ തന്നെ ഗോള്‍ നേടി മാഞ്ചസ്റ്റര്‍ സിറ്റയെ ഞെട്ടിച്ചത്. എന്നാല്‍ ഗോള്‍ വീണതോടെ തകര്‍ത്തുകളിച്ച സിറ്റി ഇരുപത്തിരണ്ടാം മിനിറ്റില്‍ ഗോള്‍ മടക്കി ആസ്റ്റണ്‍ വില്ലക്കൊപ്പം എത്തി. ഫില്‍ ഫോഡനാണ് ഗോള്‍ അടിച്ചത്. നാല്‍പ്പതാം മിനിറ്റില്‍ സിറ്റി രണ്ടാം ഗോളും നേടി. റോഡ്രീഗോയാണ് ഇത്തവണ സിറ്റിക്കായി ലക്ഷ്യം കണ്ടത്.
ഈ വിജയത്തോടെ മാഞ്ചസ്റ്റര്‍ സി്റ്റി മുപ്പത്തിമൂന്ന് മത്സരങ്ങളില്‍ 77 പോയിന്റുമായി ഒന്നാം സ്ഥാനത്ത് തുടരുകയാണ്. രണ്ടാം സ്ഥാനത്തുള്ള മാഞ്ചസ്്റ്റര്‍ യുണൈറ്റഡിനെക്കാള്‍ പതിനൊന്ന് പോയിന്റിന് മുന്നിലാണ് സിറ്റി. യുണൈറ്റഡിന് 32 മത്സരങ്ങളില്‍ 66 പോയിന്റാണുള്ളത്്.
മറ്റൊരു മത്സരത്തില്‍ ടോട്ടനം ഒന്നിനെതിരെ രണ്ട് ഗോളുകള്‍ക്ക്് സതാംപ്റ്റണെ തോല്‍പ്പിച്ചു. ഗാരേത്ത് ബെയ്ല്‍, സണ്‍ ഹ്യൂങ് മിന്‍ എന്നിവരാണ് ടോട്ടനത്തിനായി ഗോളുകള്‍ നേടിയത്. സതാംപ്റ്റനായി ഇന്‍ഗിസ് ഗോള്‍ അടിച്ചു. ഈ വിജയത്തോടെ ടോട്ടനം 33 മത്സരങ്ങളില്‍ 53 പോയിന്റുമായി ആറാം സ്ഥാനത്താണ്.
പ്രതികരിക്കാൻ ഇവിടെ എഴുതുക: