പാലക്കാട്: കൊറോണ നിയന്ത്രണങ്ങള്‍ തങ്ങള്‍ക്ക് മാത്രം ബാധമകല്ലെന്ന രീതിയില്‍ ധിക്കാരം കാട്ടി ഇടത് സംഘടനകള്‍. സംസ്ഥാനമാകെ കൊറോണയുടെ പ്രതിസന്ധിയില്‍ ദുരിതമനുഭവിക്കുമ്പോഴും ലോക്ഡൗണ്‍ നിയന്ത്രണങ്ങളും മറ്റും കാറ്റില്‍ പറത്തി പിറന്നാള്‍ ആഘോഷങ്ങള്‍ നടത്തിയ എഐഎസ്എഫ് ജില്ലാ നേതാവും പഞ്ചായത്ത് അംഗവും ഉള്‍പ്പെടെ ഇരുപത് പേര്‍ക്കെതിരെ പോലീസ് കേസെടുത്തു. പകര്‍ച്ചവ്യാധി നിരോധന നിയമപ്രകാരമാണ് കേസെടുത്തത്.
കഴിഞ്ഞ വ്യാഴാഴ്ച ഉച്ചയ്‌ക്കുശേഷം കുമരംപുത്തൂര്‍ എ.എസ്. ഓഡിറ്റോറിയത്തിലാണ് എഐവൈഎഫ്- എഐഎസ്എഫ് പ്രവര്‍ത്തകരുടെ നേതൃത്വത്തില്‍ പിറന്നാളാഘോഷം നടന്നത്. സാമൂഹിക അകലം പാലിക്കാതെ നടന്ന ആഘോഷത്തില്‍ എല്ലാവരും കേക്ക് പങ്കു വെച്ച് കഴിക്കുകയായിരുന്നു.
സംഭവത്തില്‍ എഐഎസ്എഫ് ജില്ലാ പ്രസിഡന്റ് പ്രശോഭ് മണ്ണാര്‍ക്കാട്, കുമരംപുത്തൂര്‍ പഞ്ചായത്ത് സ്ഥിരം സമിതി അധ്യക്ഷ മഞ്ജു തോമസ് എന്നിവരുള്‍പ്പെടെ കണ്ടാലറിയാവുന്ന 20 പേര്‍ക്കെതിരെയാണ് കേസെടുത്തത്.
പ്രതികരിക്കാൻ ഇവിടെ എഴുതുക: