ചെന്നൈ: ബിഗ്‌ബോസ് മലയാളം സീസണ്‍ 2 പൂട്ടിക്കെട്ടിയതിന് പിന്നാലെ താരങ്ങളും പുറത്തെത്തി. ബോര്‍ഡിംഗ് പാസുകളുമായി ബിഗ്‌ബോസ് താരങ്ങളായ ആര്യ, ഫുക്രു, എലീന പടിക്കല്‍ എന്നിവര്‍ ചെന്നൈ വിമാനതാവളത്തില്‍ ആരാധകര്‍ക്കൊപ്പം നില്‍ക്കുന്ന സെല്‍ഫിയാണ് ഇപ്പോള്‍ വൈറലാകുന്നത്.
നേരത്തെ കൊറോണ വൈറസിന്റെ പശ്ചാത്തലത്തില്‍ ജീവനക്കാരുടെ സുരക്ഷയെ കരുതി നിര്‍മാണ പ്രവര്‍ത്തനങ്ങള്‍ താല്‍ക്കാലികമായി നിര്‍ത്തിവയ്‌ക്കുമെന്ന് നിര്‍മാതാക്കളായ എന്‍ഡമോള്‍ ഷൈന്‍ ഔദ്യോഗിക ഫേസ്ബുക്ക് പേജിലൂടെ അറിയിച്ചിരുന്നെങ്കിലും ഇത് തന്നെയാണോ യഥാര്‍ഥ കാര്യമെന്നത് വ്യക്തമല്ല.
കൊറോണ വൈറസിന്റെ വ്യാപനം തടയാനുള്ള സര്‍ക്കാരിന്റെ ജാഗ്രത നിര്‍ദേശങ്ങള്‍ക്ക് പിന്തുണ പ്രഖ്യാപിച്ചുകൊണ്ടാണ് തീരുമാനം. ഇതുവരെ കമ്പനിയില്‍ ആര്‍ക്കും രോഗം സ്ഥിരീകരിച്ചിട്ടില്ല. ഈ വെല്ലുവിളി നിറഞ്ഞ സമയത്ത് ഞങ്ങളെ മനസിലാക്കിയ ജീവനക്കാരെ അഭിനന്ദിക്കുന്നു.എല്ലാവരും സുരക്ഷിതമായിരിക്കുക. നിങ്ങള്‍ക്ക് വിനോദവുമായി വൈകാതെ തിരിച്ചെത്താനാകുമെന്ന് പ്രതീക്ഷിക്കുന്നെന്ന് പരിപാടിയുടെ നിര്‍മ്മാതാക്കളായ എന്‍ഡെമോള്‍ഷെന്‍ പറഞ്ഞു.
മോഹന്‍ലാല്‍ അവതാരകനായ ബിഗ്‌ബോസ് മലയാളം സീസണ്‍ 2 70 ദിവസത്തോളം പിന്നിട്ടു കഴിഞ്ഞ വേളയിലാണ് കൊറോണയുടെ പേര് പറഞ്ഞ് ഷോ അവസാനിപ്പിച്ചത്.
പ്രതികരിക്കാൻ ഇവിടെ എഴുതുക: