പെരിന്തല്‍മണ്ണ: വെട്ടത്തൂര്‍ മണ്ണാര്‍മല പള്ളിപ്പടിയില്‍ ഓമ്‌നി വാന്‍ കത്തി നശിച്ചു.
ഇന്നലെ ഉച്ചക്ക് 12 മണിയോടെയാണ് സംഭവം. തിരൂര്‍ക്കാട് സ്വദേശി മുജീബ് റഹ്മാന്റെയായിരുന്നു വാഹനം. പെരിന്തല്‍മണ്ണയില്‍ നിന്ന് പട്ടിക്കാട്ടേക്ക് പോകുന്നതിനിടെ മണ്ണാര്‍മല പള്ളിപ്പടിയില്‍ വെച്ച് ഇന്ധനം തീര്‍ന്നു. റോഡരികില്‍ വാന്‍ നിര്‍ത്തിയ ശേഷം ഇന്ധനം നിറക്കുന്നതിനിടെ വാനില്‍ നിന്നും തീ ഉയരുകയായിരുന്നു. തീ പടര്‍ന്നതോടെ ഡ്രൈവര്‍ ഓടി രക്ഷപ്പെട്ടു. വാഹനത്തിലുണ്ടായിരുന്ന സാധന സാമഗ്രികളെല്ലാം പൂര്‍ണ്ണമായും കത്തിനശിച്ചു.
പെരിന്തല്‍മണ്ണയില്‍ നിന്നെത്തിയ അഗ്‌നിശമനസേനയാണ് തീ അണച്ചത്.
പ്രതികരിക്കാൻ ഇവിടെ എഴുതുക: