ഒരുകൂട്ടം നവാഗതരുടെ കൂട്ടായ്മയില് പുതുമയാര്ന്ന പ്രമേയവുമായെത്തുന്ന പത്മവ്യൂഹമെന്ന ചിത്രം ഒക്ടോബര് 26ന് കേരളത്തിലെ തീയേറ്ററുകളിലെത്തുന്നു.
തലസ്ഥാന നഗരിയുടെ ചൈതന്യവും തലയെടുപ്പുമായി നിലകൊള്ളുന്ന ശ്രീപത്മനാഭസ്വാമി ക്ഷേത്രം ആപത്ഘട്ടത്തില് അനന്തപുരിയെ എങ്ങനെ സംരക്ഷിക്കുമെന്ന രഹസ്യം ‘പത്മവ്യൂഹ’ത്തിലൂടെ പുറത്തുവരുന്നു.
മെഗാവേവ് പ്രൊഡക്ഷന്സിന്റെ ബാനറില് ബിജോയ് പി.ഐയാണ് കഥയും തിരക്കഥയും സംവിധാനവും നിര്വഹിച്ച് ‘പത്മവ്യൂഹം’ ഒരുക്കുന്നത്.
ഒരു പത്രപ്രവര്ത്തകന്റെ കൊലപാതകം അടുത്ത തൊണ്ണൂറ് മിനിട്ടില് പ്രേക്ഷകരെ കൊണ്ടുപോകുന്നത്. ഈ കാലഘട്ടത്തിലും ക്ഷേത്രം അനന്തപുരിയുടെ സുരക്ഷ എത്രത്തോളം ഉറപ്പുവരുത്തുന്നു, എങ്ങനെ ഉറപ്പുവരുത്തുന്നു എന്ന രഹസ്യങ്ങളിലേക്കാണ്. ക്ഷേത്രയശസ് നിലനിര്ത്തുന്നതോടൊപ്പം പൊതുജനത്തിനുമുന്നില് സത്യങ്ങള് തുറന്നു കാട്ടാനും ക്ഷേത്ര ഭരണാധികാരിയായ ‘ആദി’ ഇറങ്ങി പുറപ്പെടുമ്പോള് അത് തലമുറകളുടെ പോരാട്ടത്തിലേക്ക് വഴി തുറക്കുന്നു.
ക്യാമറ-സുനില് കൈമനം, എഡിറ്റിംഗ് സഫ്ദര് മെര്വ, സംഭാഷണം ബിജോയ് പി.ഐ, ഷെറിന് നൂര്ദ്ദീന്, ഗാനരചന സുകു മരുതത്തൂര്, അജി ദൈവപ്പുര, സംഗീതം സഞ്ജീവ്കൃഷ്ണന്, ആലാപനം ശങ്കര് മഹാദേവന്, വിധുപ്രതാപ്, നേഹാ നായര്, സരിത, പ്രേം പരമേശ്വരന്, അപര്ണാ സുരേഷ്, പബ്ലിസിറ്റി കോ-ഓര്ഡിനേറ്റര് അജയ് തുണ്ടത്തില്, പ്രൊ.കണ്ട്രോളര് ചന്ദ്രമോഹന്, ചമയം ഗിരീഷ് എയ്യാള്, കല പ്രകാശ് പാലക്കാട്, അസോ.ഡയറക്ടര് കിരണ്, സംവിധാന സഹായികള് അമല് എബ്രഹാം, ഫയിസ്, യൂണിറ്റ് എസ്.കെ.എന്.മൂവീസ്.
നോബി തര്യന്, അമല് എബ്രഹാം, കിരണ് അഞ്ചല് മാത്യൂ ഫയിസ്, സജീവ് നായര്, രതീഷ് നെയ്യാര്, അനീഷ് പണിക്കര്, വിപിന് റിയാസ്, ജോമോന്, അമൃത, വിഷ്ണുഭാസ്ക്കര്, ഭാസ്ക്കരന് നായര്, ചന്ദ്രമോഹന്, അലക്സ്, പ്രകാശ്, എം.എസ്.മനീഷ്, സഞ്ജീവ് കൃഷ്ണന് തുടങ്ങിയവര് അഭിനയിക്കുന്നു.
ആറ്റിങ്ങല് കൊട്ടാരം, തിരുവനന്തപുരം ആലപ്പുഴ എന്നിവിടങ്ങളിലായാണ് ചിത്രീകരണം നടന്നത്.
പ്രതികരിക്കാൻ ഇവിടെ എഴുതുക: