പുതുക്കാട്: അന്തര് സംസ്ഥാന ചന്ദന മോഷണ മാഫിയ സംഘത്തില് പെട്ട നാലുപേരെ വെള്ളിക്കുളങ്ങര റെയ്ഞ്ച് വനം വകുപ്പ് ഉദ്യോഗസ്ഥര് പിടികൂടി. മണ്ണാര്ക്കാട് കോട്ടോപ്പാടം കൂമഞ്ചേരി സൈഫുദ്ദീന് (24), പുറ്റാനിക്കോട് വള്ളുവന്പുഴ മുഹമ്മദ് ആര്സല്(22), കല്ലൂര് കരോട്ടില് രഞ്ജിത് എന്ന ഉണ്ണി(35),കാറളം വെള്ളാനി തെക്കൂട്ട് രാഗേഷ് എന്ന പുഴു രാഗേഷ്(39) എന്നിവരെയാണ് പാലക്കാട് ജില്ലയിലെ മണ്ണാര്ക്കാട് നിന്നും വെള്ളിക്കുളങ്ങര ഫോറസ്ററ് റെയ്ഞ്ച് ഓഫിസര് ടി.എസ്. മാത്യു, മുപ്ലിയം ഫോറസ്റ്റ സ്റ്റേഷന് ഡെപ്യുട്ടി ഫോറസ്ററ് റെയ്ഞ്ച് ഓഫിസര് പി.എസ്. ഷൈലന്,ചട്ടികുളം ഔട്ട് പോസ്റ്റ് സെക്ഷന് ഫോറസ്ററ് ഓഫിസര് പി.ടി. ഇഗ്നേഷ്യസ് എന്നിവരുടെ നേതൃത്വത്തിലുള്ള സംഘം പിടികൂടിയത്.
കഴിഞ്ഞമാസം ചട്ടികുളം കനകമല ഭാഗത്തുള്ള സംരക്ഷിത വനത്തില് നിന്നും രണ്ട് ചന്ദന മരങ്ങള് മുറിച്ചു കൊണ്ടുപോയ കേസിലാണ് ഇവര് പിടിയിലായത്.
പ്രതികരിക്കാൻ ഇവിടെ എഴുതുക: