ഇരിങ്ങാലക്കുട :കോണ്ഗ്രസ് ഭരിക്കുന്ന തുമ്പൂര് സര്വീസ് സഹകരണബാങ്കിനെതിരെ വിജിലന്സ് പുനരന്വേഷണം നടത്താന് ഉത്തരവ്. സഹകരണ ബാങ്കിന് ഭൂമി വാങ്ങിയതില് ബാങ്കിന്റെ പ്രസിഡണ്ടും സെക്രട്ടറിയും അഴിമതി കാണിച്ചിട്ടുണ്ടെന്നും ബാങ്കിനുവേണ്ടി വാങ്ങിയ വാഹനം പ്രസിഡണ്ട് സ്വകാര്യ ആവശ്യത്തിന് ഉപയോഗിക്കുന്നുണ്ടെന്നും പ്രസിഡണ്ട് ബാങ്കില് നിന്ന് 192600, 29400 എന്നീ തുകകള് നിയമവിരുദ്ധമായി കൈപ്പറ്റിയതിനെകുറിച്ചും ത്വരിതാന്വേഷണം നടത്തുവാന് 14-7-2016 ല് തൃശ്ശൂര് എന്ക്വയറി കമ്മീഷണര് സ്പെഷല് ജഡ്ജ് ഉത്തരവിട്ടിരിന്നു.
എന്നാല് 31-8-2016 ല് ലഭിച്ച ക്വിക്ക് വെരിഫിക്കേഷന് റിപ്പോര്ട്ട് കോടതി ആവര്ത്തിച്ച് ആവശ്യപ്പെട്ട കാര്യങ്ങളുടെ കാതലായ ഭാഗങ്ങള് അന്വേഷിക്കാതെയാണ് ഉദ്യോഗസ്ഥര് സമര്പ്പിച്ചത്. ഈ സാഹചര്യത്തില് തൃശ്ശൂര് എന്ക്വയറി കമ്മീഷണര് സ്പെഷല് ജഡ്ജ് തൃശ്ശൂര് വിജിലന്സ് ആന്ഡ് ആന്റി കറപ്ഷന് ബ്യൂറോ ഡിവൈഎസ്പിയോട് വീണ്ടും അമ്പേഷണം നടത്തി അഡീഷണല് റിപ്പോര്ട്ട് 28-2-2017 ന് മുമ്പ് സമര്പ്പിക്കുവാന് ഉത്തരവിട്ടു. ബിജെപി വേളൂക്കര പഞ്ചായത്ത് പ്രസിഡണ്ട് ബിജോയ് കൊല്ലംപറമ്പില് സമര്പ്പിച്ച കേസിലാണ് വിജിലന്സ് കോടതി ഉത്തരവിട്ടത്.
പ്രതികരിക്കാൻ ഇവിടെ എഴുതുക: