പാലക്കാട്: മംഗളം ടവറില്‍ പ്രവര്‍ത്തിക്കുന്ന മദ്യവില്‍പ്പനശാല അടച്ചുപൂട്ടണമെന്നാവശ്യപ്പെട്ട് മദ്യവിരുദ്ധ ജനകീയ സമരസമിതി നടത്തിയ സമരത്തിന് നേരെ പോലീസ്‌ലാത്തിചാര്‍ജ്ജ്. ഇന്നലെ ഉച്ചക്ക് രണ്ട് മണിയോടെയായിരുന്നു സംഭവം. പോലീസിനെ തള്ളിമാറ്റി വില്‍പനശാലയുടെ ഷട്ടര്‍ പൊക്കി അകത്തു കടന്ന സംഘം, കൗണ്ടറും മറ്റും തള്ളിമറിച്ചിട്ട് അലങ്കോലമാക്കി. സമരത്തെക്കുറിച്ചു വിവരം ലഭിച്ചിരുന്നതിനാല്‍ വില്‍പനശാല ജീവനക്കാര്‍ ഷട്ടര്‍ താഴ്‌ത്തിയിരുന്നു.
കൂടുതല്‍ പോലീസെത്തി പ്രവര്‍ത്തകരെ അറസ്റ്റ് ചെയ്തു നീക്കി. ഇതിനിടെ പോലീസ് ജീപ്പിന്റെ ടയറിന്റെ കാറ്റഴിച്ചു വിടാന്‍ ഒരു പ്രവര്‍ത്തകന്‍ ശ്രമിച്ചതോടെയാണു ലാത്തിവീശിയത്.
പ്രതികരിക്കാൻ ഇവിടെ എഴുതുക: