പാണ്ടിക്കാട്: ഹൈന്ദവ ആചാരങ്ങളെ ദുരാചാരങ്ങളാക്കി മാറ്റുന്ന പ്രവണത സമൂഹത്തില്‍ വര്‍ധിക്കുകയാണെന്നും അതിനെതിരെ ക്ഷേത്രസംരക്ഷണ സമിതി പ്രവര്‍ത്തകര്‍ ജാഗ്രത പുലര്‍ത്തണമെന്നും ആര്‍എസ്എസ് പ്രാന്തകാര്യവാഹ് പി.ഗോപാലന്‍കുട്ടി മാസ്റ്റര്‍. പാണ്ടിക്കാട് നടന്ന ക്ഷേത്രസംരക്ഷണ സമിതി ജില്ലാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ക്ഷേത്രോത്സവങ്ങള്‍ക്കായി ലക്ഷങ്ങള്‍ ചിലവിടുമ്പോള്‍ തന്റെ ക്ഷേത്ര ഗ്രാമത്തിലെ പാവപ്പെട്ട കുടുംബങ്ങള്‍ക്ക് സഹായം എത്തിക്കാനും ക്ഷേത്ര ഭാരവാഹികള്‍ ശ്രമിക്കണമെന്നും അദ്ദേഹം കൂട്ടിച്ചേര്‍ത്തു. ംസ്ഥാന രക്ഷാധികാരി എന്‍.എം.കദംബന്‍ മാസ്റ്റര്‍ അദ്ധ്യക്ഷത വഹിച്ചു ചടങ്ങില്‍ വിവിധ മേഖലകളില്‍ മികവ് തെളിയിച്ച വ്യക്തികളെ ആദരിച്ചു. വിദ്യാര്‍ത്ഥികള്‍ക്ക് പഠനോപകരണങ്ങള്‍ വിതരണം ചെയ്തു. ഉച്ചക്ക് ശേഷം നടന്ന സംഘടനാ സമ്മേളനത്തില്‍ സംസ്ഥാന ജനറല്‍ സെക്രട്ടറി കെ.എസ്.നാരായണന്‍, സംസ്ഥാന ഓര്‍ഗനൈസര്‍ എന്‍.സി.വി.നമ്പൂതിരി എന്നിവര്‍ സംസാരിച്ചു. സമാപന സമ്മേളനത്തില്‍ കൊളത്തൂര്‍ അദൈ്വാതാശ്രമം മഠാധിപതി സ്വാമി ചിദാനന്ദപുരി മുഖ്യപ്രഭാഷണം നടത്തി.
Monday, November 25, 2024
ആചാരങ്ങളെ ദുരാചാരങ്ങളാക്കുന്ന പ്രവണത അവസാനിപ്പിക്കണം: പി.ഗോപാലന്‍കുട്ടി മാസ്റ്റര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: