പത്തനംതിട്ട: സീതത്തോട് കെപിപിഎംഎച്ച്എസിലെ പ്ലസ് ടുവിദ്യാര്‍ത്ഥി ബിനീഷ് കുമാര്‍.ആര്‍ ന് കരുത്തും പ്രോത്സാഹനവുമാകുന്നത് പരിശീലകന്‍ സുമേഷന്‍പിള്ളയാണ്. സീനിയര്‍ ബോയ്‌സ് വിഭാഗത്തില്‍ 400 മീറ്റര്‍ ഹര്‍ഡില്‍സില്‍ ഒന്നാംസ്ഥാനവും അയ്യായിരം മീറ്റര്‍ ഓട്ടത്തില്‍ മൂന്നാം സ്ഥാനവും നേടിയ ബിനീഷ് റാന്നി മാര്‍ത്തോമ്മാ ടീച്ചേഴ്‌സ് ട്രയിനിംഗ് കോളേജിലെ ഫിസിക്കല്‍ എഡ്യൂക്കേഷന്‍ അദ്ധ്യാപകനായ സുമേഷന്‍പിള്ളയ്‌ക്കൊപ്പം താമസിച്ചാണ് പരിശീലനം നേടുന്നത്. സീതത്തോട് ഉറുമ്പിനി ഓലിക്കല്‍ രാജേന്ദ്രന്റേയും ഗീതാകുമാരിയുടേയും മൂത്തമകനായ വിനീഷിന് ഇനിയും ഏറെ നേട്ടങ്ങള്‍ കൈയടക്കാനുള്ള മികവുണ്ടെന്ന് പരിശീലകന്‍ പറയുന്നു. പക്ഷെ തികവാര്‍ന്ന പരിശീലനത്തിന് വിനീഷിന്റെ കുടുംബത്തില്‍ സാഹചര്യമില്ല. കായിക പ്രേമികളുടെ സഹായമുണ്ടായാല്‍ ഈ കായിക പ്രതിഭയ്‌ക്ക് ഇനിയും ഏറെ വേഗദൂരങ്ങള്‍ താണ്ടാനാകുമെന്ന് പരിശീലകന്‍ പറയുന്നു.
Monday, November 25, 2024
ബിനീഷിന് കരുത്ത് സുമേഷന്‍പിള്ള
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: