നീലേശ്വരം: പാലായി, ചാത്തമത്ത്, പൂവാലംകൈ, കിഴക്കന്‍ കൊഴുവല്‍ വാര്‍ഡുകളില്‍ ബിജെപി മുന്നേറ്റം നടത്തി. നീലേശ്വരം നഗരസഭ എല്‍ഡിഎഫ് നിലനിര്‍ത്തിയെങ്കിലും എല്‍ഡിഎഫിന് 3 വാര്‍ഡുകള്‍ നഷ്ടപ്പെട്ടു. ഒന്ന് പിടിച്ചെടുത്തു. യുഡിഎഫ് 13 സീറ്റ് നേടി. മത്സരിച്ച മുഴുവന്‍ വാര്‍ഡുകളിലും കഴിഞ്ഞ തെരഞ്ഞെടുപ്പിനേക്കാള്‍ ഇരട്ടിയിലധികം വോട്ട് നേടാന്‍ ഇത്തവണ ബിജെപിക്ക് സാധിച്ചു.
പ്രശ്‌ന ബാധിത പ്രദേശമായ ചാത്തമത്ത് കഴിഞ്ഞ ഒരു വര്‍ഷത്തിലേറെയായി സിപിഎം വിട്ട് ബിജെപിയിലേക്ക് യുവാക്കള്‍ എത്തിച്ചേരുന്നത് സംബന്ധിച്ച് അക്രമം നടക്കുകയാണ്. ഈ വാര്‍ഡിലാണ് ബിജെപിക്ക് ഏറ്റവും കൂടുതല്‍ വോട്ട് നേടാനായത്. പാലായില്‍ യുഡിഎഫിനെ പിന്തള്ളിയാണ് ബിജെപി രണ്ടാംസ്ഥാനത്ത് എത്തിയത്. പാലായില്‍ പി.മോഹനനും, ചാത്തമത്ത് എം.സുനില്‍രാജും, കിഴക്കന്‍കൊഴുവലില്‍ പി.യു.വിജയകുമാറും, പൂവാലംകൈയില്‍ വി.വി.സാവിത്രിയുമാണ് രണ്ടാം സ്ഥാനത്തെത്തിയത്. വോട്ട് നേട്ടത്തിലുണ്ടായ വന്‍ മുന്നേറ്റം ബിജെപിക്ക് ആശ്വാസമേകുന്നു
പ്രതികരിക്കാൻ ഇവിടെ എഴുതുക: