തൃക്കരിപ്പൂര്‍: കേരളത്തില്‍ ഉമ്മന്‍ചണ്ടി ഭരണം നടത്തുന്നത് സിപിഎമ്മിന്റെ ഔദാര്യത്തിലാണെന്ന് ബിജെപി സംസ്ഥാന സെക്രട്ടറി വി.വി.രാജന്‍ പറഞ്ഞു. മന്ത്രിമാര്‍ അഴിമതിയില്‍ മുങ്ങി നില്‍ക്കുമ്പോള്‍ ശക്തമായ ഒരു സമരം സംഘടിപ്പിക്കാന്‍ പോലും സിപിഎമ്മിന് സാധിക്കുന്നില്ല അഴിമതിയുടെ കാര്യത്തില്‍ ഇരുകുട്ടരും സഹകരണ പ്രസ്ഥാനം പോലെയാണ് പ്രവര്‍ത്തിക്കുന്നത്.
മുന്നണികളുടെ ഒത്തു തിര്‍പ്പ് രാഷ്‌ട്രിയം കേരളത്തെ വര്‍ഷങ്ങള്‍ പിന്നൊട്ട് കൊണ്ടുപോയെന്നും രാജന്‍ പറഞ്ഞു. വികസനം ഒരു വിഭാഗത്തിന് വേണ്ടി മാത്രമാണ് ഇവിടെ നടക്കുന്നത്. കേരളത്തില്‍ നവോത്ഥാന മുല്യങ്ങള്‍ ഉണ്ടായത് ഈ മണ്ണില്‍ നവോത്ഥാന നായകന്‍മാര്‍ പിറന്നത് കൊണ്ട് മാത്രമാണ സിപിഎമ്മിന് അതില്‍ പങ്കില്ലെന്നും അദ്ദേഹം പറഞ്ഞു. എകെജി പോലും കോണ്‍ഗ്രസുകാരനായിരുന്നു.
ജനങ്ങള്‍ ഇന്ന് ബിജെപിയില്‍ പ്രതിക്ഷ അര്‍പ്പിച്ചിരിക്കുകയാണ് നവോത്ഥാന മൂല്യങ്ങള്‍ വിണ്ടെടുക്കാന്‍, അഴിമതിക്കും ഒത്തുതിര്‍പ്പ് രാഷ്ര്ട്രീയത്തിനുമെതിരെ, പക്ഷപാത രഹിതമായവികസനത്തിന് എന്ന മുദ്രാവാക്യവുമായി ബിജെപി ജില്ലാ സെക്രട്ടറി ടി.കുഞ്ഞിരാമന്‍ നയിക്കുന്ന തൃക്കരിപ്പുര്‍ നിയോജ മണ്ഡലം പരിവര്‍ത്തന യാത്ര ചിമേനിയില്‍ ഉദ്ഘാടനം ചെയ്ത് സംസാരിക്കുകയായിരുന്നു വി.വി.രാജന്‍. വി.വി.ഗോപാലന്‍ അധ്യക്ഷത വഹിച്ചു. കെ.കുഞ്ഞിരാമന്‍, ടി.രാധാകൃഷ്ണന്‍. ചന്ദ്രന്‍ മടക്കര, കുവാരത്ത് മനോഹരന്‍, വെങ്ങട്ട് കുഞ്ഞിരാമന്‍, വിജയകുമാര്‍, ഹരി കെ.രാജന്‍, എ.പി.ഹരിഷ്‌കുമാര്‍ എന്നിവര്‍ സംസാരിച്ചു. തുടര്‍ന്ന് മലയോര ഗ്രാമമായ കമ്പല്ലുര്‍, ആയന്നുര്‍, കടുമേനി, തയ്യേനി, ചിറ്റാരിക്കല്‍, പറമ്പ, നാട്ടക്കല്‍, ചീര്‍ക്കയം, എളേരി, നര്‍ക്കിലക്കാട്, ഭിമനടി എന്നിവടങ്ങളിലെ സ്വികരണങ്ങള്‍ക്ക് ശേഷം കുന്നുംകൈയില്‍ സമാപിച്ചു.
പ്രതികരിക്കാൻ ഇവിടെ എഴുതുക: