ധാക്ക: ബംഗ്ലാദേശ്‌ അതിര്‍ത്തിയില്‍ വന്‍ സ്വര്‍ണ വേട്ട. പെട്രാപോലെയ്‌ക്കടുത്ത്‌ ബംഗ്ലാദേശ്‌-ബംഗാള്‍ അതിര്‍ത്തിയിലാണ്‌ 1.15 കോടി വിലമതിക്കുന്ന സ്വര്‍ണം പിടിച്ചെടുത്തത്‌. അതിര്‍ത്തി സുരക്ഷാ സേന നടത്തിയ പെട്രോളിങ്ങിനിടെയാണ്‌ കോടികളുടെ സ്വര്‍ണക്കടത്ത്‌ തടഞ്ഞത്‌. 27-കാരനെ ഇതുമായി ബന്ധപ്പെട്ട്‌ പോലീസ് അറസ്റ്റ്‌ ചെയ്തു. 37 സ്വര്‍ണ ബിസ്ക്കറ്റുകളാണ്‌ ഇയാളില്‍ നിന്നും പിടിച്ചെടുത്തത്‌. അതിര്‍ത്തി വഴി സ്വര്‍ണം കടത്താനായിരുന്നു ലക്ഷ്യം. ഇന്റലിജെന്‍സ്‌ ബ്യൂറോയുടെ റിപ്പോര്‍ട്ടിനെ തുടര്‍ന്ന്‌ അതിര്‍ത്തി സുരക്ഷാ സേന നടത്തിയ ഓപ്പറേഷനിലാണ്‌ സ്വര്‍ണം പിടിച്ചത്‌. അറസ്റ്റിലായ 27-കാരനെ ചോദ്യം ചെയ്യലിനായി കസ്റ്റംസ്‌ ഉദ്യോഗസ്ഥര്‍ക്ക്‌ കൈമാറി. ഇന്ത്യ-നേപ്പാള്‍-ബംഗ്ലാദേശ്‌ അതിര്‍ത്തി വഴി സ്വര്‍ണക്കടത്ത്‌ വര്‍ധിക്കുന്നതായി അടുത്തിടെ റിപ്പോര്‍ട്ടുകളുണ്ടായിരുന്നു. കഴിഞ്ഞ ജനുവരിയില്‍ 12 കോടി വിലമതിക്കുന്ന 40 കിലോഗ്രാം സ്വര്‍ണം കടത്തിയ സംഭവത്തില്‍ 28 പേരെ ദക്ഷിണ ബംഗാള്‍ അതിര്‍ത്തി സുരക്ഷാ സേന അറസ്റ്റ്‌ ചെയ്തിരുന്നു.
Friday, December 27, 2024
അതിര്‍ത്തിയില്‍ ഒന്നരക്കോടിയുടെ സ്വര്‍ണ്ണം പിടിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: