കൊച്ചി: ശ്രീകൃഷ്ണന്റെ പൗത്രനായ അനിരൂദ്ധനും ബാണാസുരന്റെ പുത്രിയായ ഉഷയും തമ്മില് പ്രണയത്തിലാകുകയും ഗാന്ധര്വ്വ വിധി പ്രകാരം വിവാഹം കഴിക്കുകയും ചെയ്യുന്നു. ക്രൂദ്ധനായ ബാണാസുരന് അനിരുദ്ധനെ ബന്ധനസ്ഥനാക്കുന്നു. ഇതറിഞ്ഞ് ശ്രീകൃഷ്ണനെത്തുകയും ബാണാസുരന്റെ സംരക്ഷകന് കൂടിയായ പരമശിവനുമായി യുദ്ധത്തിലാകുന്നു. ഒടുവില് മാനസാന്തരപ്പെട്ട ബാണാസുരന് ഉഷയെ അനിരുദ്ധന് നല്കുന്നു. തുടര്ന്ന് ഉഷ ഗോപികമാരെ നൃത്തം പഠിപ്പിക്കുകയും ഭാരതത്തില് നൃത്തത്തിനു പ്രചാരം ഉണ്ടാക്കുകയും ചെയ്യുന്നു.
മനോഹരമായി കേരളനടനത്തില് കഥ ആടി തീര്ത്തപ്പോള് നൃത്തവേദികളെ കൂടുതല് സൗന്ദര്യവതിയാക്കി കൊണ്ടിരുന്ന അര്ച്ചിത അനീഷ്കുമാര് കേരള നടനത്തിലും ഒന്നാമതായി. പങ്കെടുത്ത ഇനങ്ങളിലെല്ലാം ഒന്നാം സ്ഥാനം നേടിയാണ് സെന്റ തെരേസാസ് കോളേജിലെ രണ്ടാം വര്ഷ ബിഎ സോഷ്യോളജി വിദ്യാര്ത്ഥിനി അര്ച്ചിത അനീഷ് കുമാറിന്റെ യാത്ര. ഭരതനാട്യം, മോഹിനിയാട്ടം, നാടോടി നൃത്തം, കേരളനടനം തുടങ്ങിയ ഇനങ്ങളിലാണ് അര്ച്ചിത ഒന്നാം സ്ഥാനം നേടിയത്. ഇന്നലെ രാത്രി വൈകിയും കുച്ചിപ്പുടി അവതരിപ്പിക്കുന്നതിനായി തയ്യാറായി നില്ക്കുകയായിരുന്നു അര്ച്ചിത. അര്ച്ചിതയുടെ ഓരോ വിജയവും സെന്റ് തേരേസാസ് കേളേജിനെ പോയിന്റു നിലയില് ഭദ്രമായ സ്ഥാനത്തെത്താനും സഹായിക്കുന്നുണ്ട്.
കണ്ണൂര് കക്കാടിലുളള അനീഷ് കുമാര് അനിത ദമ്പതികളുടെ ഏകമകളാണ് അര്ച്ചിത. ഗള്ഫില് ബിസിനസ് നടത്തിയിരുന്ന അനീഷ്കുമാര് മകളുടെ നൃത്തവാസനക്ക് പ്രോത്സാഹനം നല്കി ഇപ്പോള് നാട്ടില് തന്നെയുണ്ട്. മത്സരവേദികളില് മാത്രമൊതുങ്ങാതെ പല നൃത്ത വേദികളിലും നിറഞ്ഞ സാന്നിദ്ധ്യമാണ് ഇന്ന് അര്ച്ചിത അനീഷ്കൂമാര്. നൃത്തല് അറിയപ്പെടുന്ന ഒരു താരമാകുക എന്ന ആഗ്രഹമാണ് അര്ച്ചിതയുടെ ഈ വിജയരഹസ്യം.
പ്രതികരിക്കാൻ ഇവിടെ എഴുതുക: