എല്ലാ ലോകങ്ങള്ക്കും മുകളില് സര്വശ്രേഷ്ഠമായി ഗോലോകം എന്നൊരു ലോകമുണ്ടെന്നും രാധയുടെയും കൃഷ്ണന്റെയും ആവാസസ്ഥാനമായ ഈ ലോകം സര്വാതീതമായ പ്രകാശരൂപമാകയാല് അതിന് ഗോലോകമെന്ന് പേരുണ്ടായിയെന്നും വൈ ഷ്ണവതന്ത്രങ്ങളും ചില വൈഷ്ണവപുരാണങ്ങളും വിവരിക്കുന്നു. അതിന്റെ നാഥനാകയാല് ഗുരുവായൂരപ്പന് ഗോലോകപതിയാണ്.
264. ശാശ്വതഃ – ശാശ്വതന്, എക്കാലത്തുമുള്ളവന്, നിത്യന് അനാദിയും അനന്തനുമായവന്.
ശാശ്വതമായ ബ്രഹ്മചൈതന്യത്തിന്റെ മൂര്ത്തീഭാവമാണ് ശംഖചക്രഗദാപദ്മധാരിയായി അനന്തശയ്യയില് യോഗനിദ്ര ചെയ്യുന്ന മഹാവിഷ്ണു. വിഷ്ണുഭഗവാന് ലോകത്തിന്റെ സുസ്ഥിതിക്കായി സ്വീകരിച്ച അവതാരങ്ങളില് പ്രധാനമാണ് കൃഷ്ണാവതാരം. ഗോലോകപതിയായ ശ്രീകൃഷ്ണനും അമ്പാടിയിലെ ഗോക്കളുടെ പതിയായ ശ്രീകൃഷ്ണനും ശാശ്വതരാണ് ഇരുവരല്ല, ഒരേ മൂര്ത്തിയാണ്.
265. ഗര്ഗര്ഷികൃത സംസ്കാരഃ – ഗര്ഗമഹര്ഷിയാല് നാമകരണം തുടങ്ങിയ സംസ്കാരങ്ങള് ചെയ്യപ്പെട്ടവന്.
ഒരു ശിശു ജനിച്ചാല് ആ കുഞ്ഞിന് ലൗകിക വ്യവഹാരങ്ങള്ക്ക് പ്രാപ്തി ഉണ്ടാക്കുന്നതിന് പല സംസ്കാരങ്ങള് വേണ്ടിവരും. നാമകരണം, അന്നപ്രാശനം, കര്ണവേധം, ഉപനയനം തുടങ്ങി പതിനാറു സംസ്കാരങ്ങളാണ് നടത്താറുള്ളത്. വസുദേവരുടെ പ്രേരണകൊണ്ട് യാദവരുടെ കുലഗുരുവായ ഗര്ഗമഹര്ഷി ഭഗവാന്റെ സംസ്കാരങ്ങള് ആചാര്യനായി. കംസന്റെ ശ്രദ്ധയില് പെടാതിരിക്കാനായി രഹസ്യമായാണ് ചടങ്ങില് നടത്തിയത്. ഗര്ഗമഹര്ഷി കൃഷ്ണന് എന്നു ഭഗവാനും രാമന് എന്നു രോഹിണീപുത്രനും അന്വര്ഥമായ പേരുകള് നല്കി.
(തുടരും)
ഡോ. ബി.സി.ബാലകൃഷ്ണന്
പ്രതികരിക്കാൻ ഇവിടെ എഴുതുക: