തമ്പലക്കാട്: ഇന്നത്തെ കാലഘട്ടത്തില് ഭാരതത്തിന്റെ വികസനത്തിന് ആത്മാഭിമാനമുള്ള യുവാക്കളെയാണ് ആവശ്യമെന്ന് ഭാരതീയ വിചാരകേന്ദ്രം സംസ്ഥാന സെക്രട്ടറി കാ.ഭാ.സുരേന്ദ്രന്. ഒരുകാലത്ത് തങ്ങളുടെ സംസ്കാരത്തെയും വൈഭവപൂര്ണ്ണമായ ചരിത്രത്തെയും കുറിച്ച് ഓര്ത്ത് അഭിമാനിച്ചിരുന്ന ഭാരതീയരെ ഭിന്നിപ്പിക്കുന്നതിനും ആത്മവീര്യം കെടുത്തുന്നതിനും മെക്കാളെ പ്രഭു ആരംഭിച്ച വിദ്യാഭ്യാസനയം ഇന്നും തുടരുന്നതാണ് ഭാരതത്തിന്റെ മൂല്യച്യുതിയ്ക്കു കാരണവും പുരോഗതിക്കു തടസ്സമായും നില്ക്കുന്നത്. ഇതിന് മാറ്റം വരുത്തുവാന് ഭാരതത്തിന്റെ യഥാര്ത്ഥ ചരിത്ര പഠനത്തിലൂടെയും വിവേകാനന്ദ സാഹിത്യങ്ങളിലൂടെയും ആത്മാഭിമാനം വീണ്ടെടുക്കുന്ന യുവജനതയ്ക്കു മാത്രമേ സാധിക്കൂ എന്ന് അദ്ദേഹം പറഞ്ഞു. രണ്ടാമത് തമ്പലക്കാട് ഹിന്ദു മഹാസമ്മളനത്തിന്റെ ഭാഗമായി നടന്ന യുവജനസമ്മേളനത്തില് സംസാരിക്കുകയായിരുന്നു അദ്ദേഹം.
യുവജനസമ്മേളനത്തില് കേരള വിശ്വകര്മ്മസഭ കാഞ്ഞിരപ്പള്ളി യൂണിയന് പ്രസിഡന്റ് സി.കെ.ഉത്തമന് അദ്ധ്യക്ഷത വഹിച്ചു. ശരത് ഷാജി സ്വാഗതവും കെ.ജി.രാജേഷ് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: