തിരുവനന്തപുരം : അഴിമതിക്കേസിലെ പ്രതിയായ പിണറായി വിജയന്‍ പ്രതിപക്ഷ നേതൃ സ്ഥാനത്ത് നിന്നും രാജി വെയ്‌ക്കണമെന്നാവശ്യപ്പെട്ട് യുവമോര്‍ച്ച നടത്തിയ നിയമസഭാ മാര്‍ച്ചിന് നേര്‍ക്കുണ്ടായ പൊലീസ് നടപടിയില്‍ നിരവധി പേര്‍ക്ക് ഗുരുതര പരിക്ക്. മുന്നറിയിപ്പില്ലാതെ പൊലീസ് നടത്തിയ കണ്ണീര്‍ വാതക പ്രയോഗത്തില്‍ യുവമോര്‍ച്ച സംസ്ഥാന സെക്രട്ടറി അദീന ഭാരതിയുടെ കൈക്ക് ഗുരുതര പരിക്കേറ്റു.കണ്ണീര്‍ വാതക ഷെല്‍ പൊട്ടി വിരലില്‍ നിന്നും മാംസ ഭാഗങ്ങള്‍ അടര്‍ന്നു പോയതിനെ തുടര്‍ന്ന് അദീനയെ ആശുപത്രിയില്‍ പ്രവേശിപ്പിച്ച് അടിയന്തര ചികിത്സ നല്‍കി.
