തിരുവനന്തപുരം:കേരള ബാങ്കിന്റെ തിരുവനന്തപുരത്തെ ആസ്ഥാനത്ത് വിജിലന്‍സ് പരിശോധന നടത്തി. വിവിധ ശാഖകളിലേക്ക് സിസിടിവികളും അലാം സംവിധാനങ്ങളും വാങ്ങാനുള്ള ടെണ്ടര്‍ നടപടികളില്‍ അപാകത ഉണ്ടെന്ന പരാതിയെ തുടര്‍ന്നാണ് വിജിലന്‍സ് നടപടി.
അഞ്ച് ജില്ലകളില്‍ സിസിടിവിയും അലാം സംവിധാനവും സ്ഥാപിക്കാന്‍ കേരള ബാങ്ക് ടെണ്ടര്‍ വിളിച്ചിരുന്നു. 317 ശാഖകളില്‍ സിസിടിവിയും 149 ശാഖകളില്‍ അലാം സംവിധാനവും സ്ഥാപിക്കാനാണ് ഇത്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിലെ ശാഖകളിലാണ് സിസിടിവികള്‍ സ്ഥാപിക്കേണ്ടത്. എന്നാല്‍, ഒരു കമ്പനിക്ക് കിട്ടും വിധമാണ് ടെണ്ടര്‍ നടപടികള്‍ എന്നാണ് പരാതി.
