ചെന്നൈ: മണ്സൂണ് സമ്മേളനത്തില് ഡിലിമിറ്റേഷന് ബില് വീണ്ടും അവതരിപ്പിക്കാനിരിക്കെ, വിഷയം ചര്ച്ച ചെയ്യാന് സര്വകക്ഷി എംപിമാരുടെ യോഗം വിളിച്ചുചേര്ത്ത തമിഴ്നാട് മുഖ്യമന്ത്രി സി വിജയ് ജോസഫിന് തിരിച്ചടി. 57 എംപിമാരില് 20 പേര് മാത്രമേ സമ്മേളനത്തില് പങ്കെടുത്തുള്ളൂ.
ഡീലിമിറ്റേഷന് നടപ്പായാല് ദക്ഷിണേന്ത്യന് സംസ്ഥാനങ്ങളുടെ പാര്ലമെന്റ് സീറ്റുകള് കുറയുമെന്ന ഭീതി പരത്തിയാണ് കോണ്ഗ്രസിന്റെ ആശീര്വാദത്തില് വിജയ് യോഗം വിളിച്ചത്. കോണ്ഗ്രസും ഒന്നും രണ്ടും സീറ്റുകളുള്ള വിസികെ, സിപിഐ, സിപിഎം, എംഡിഎംകെ, ഐയുഎംഎല് എന്നീ പാര്ട്ടികളുമാണ് യോഗത്തില് പങ്കെടുത്തത്.
ഡിഎംകെയുടെ മുഴുവന് എംപിമാരും എഐഎഡിഎംകെയും യോഗം ബഹിഷ്കരിച്ചു. കാവേരി ജലവിഭജന വിഷയത്തില് നിന്ന് ശ്രദ്ധ തിരിക്കാനാണ് ടി.വി.കെയുടെ നേതൃത്വത്തിലുള്ള സര്ക്കാര് ശ്രമിക്കുന്നതെന്ന് ഡിഎംകെ ആരോപിച്ചു.
