ശിവസേന സെക്രട്ടേറിയറ്റിന് മുന്നില് നടന്ന നാമ ജപ പ്രതിഷേധ മാര്ച്ച് ശ്രീരാമദാസ മിഷന് മഠം അധ്യക്ഷന് ശ്രീശക്തി ശാന്താനന്ദ മഹര്ഷി ഉദ്ഘാടനം ചെയുന്നു
തിരുവനന്തപുരം: ശബരിമല വിശ്വാസ സംരക്ഷത്തിന്റെ ഭാഗമായി നടന്ന നാമജപ പ്രക്ഷോഭങ്ങളിലും പ്രതിഷേധ പരിപാടികളിലും പങ്കെടുത്ത നിരപരാധികളായ അയ്യപ്പ ഭക്തര്ക്കെതിരെ ഇടത് സര്ക്കാര് എടുത്ത കേസുകള് പിന്വലിക്കണമെന്ന് ആവശ്യപ്പെട്ട് ശിവസേന സംസ്ഥാന കമ്മിറ്റിയുടെ നേതൃത്വത്തില് സെക്രട്ടേറിയറ്റിന് മുന്നില് നാമജപ പ്രതിഷേധ മാര്ച്ചും ധര്ണയും സംഘടിപ്പിച്ചു.
ശബരിമല ആചാരങ്ങള് സംരക്ഷിക്കുക, വിശ്വാസികള്ക്ക് നീതി നടപ്പിലാക്കുക, കള്ള കേസുകള് പിന്വലിക്കുക തുടങ്ങിയ ആവശ്യങ്ങള് ഉയര്ത്തിയാണ് ശിവസേനയുടെ നേതൃത്വത്തില് പ്രതിഷേധ നാമജപ യജ്ഞവും ധര്ണയും സംഘടിപ്പിച്ചത്. പാളയം ഗണപതി ക്ഷേത്രത്തിനു മുന്നില് നിന്നാണ് പ്രതിഷേധ നാമജപ യാത്ര ആരംഭിച്ചത്. സെക്രേട്ടറിയറ്റിനു മുന്നില് നടന്ന നാമജപ യജ്ഞവും ധര്ണയും ചെങ്കോട്ടുകോണം ശ്രീരാമദാസ മിഷന് മഠം അധ്യക്ഷന് ശ്രീശക്തി ശാന്താനന്ദ മഹര്ഷി ഉദ്ഘാടനം ചെയ്തു.
ശിവസേന സംസ്ഥാന പ്രസിഡന്റ് അഡ്വ. പേരൂര്ക്കട ഹരികുമാര് അധ്യക്ഷത വഹിച്ച ചടങ്ങില് ദക്ഷിണ ഭാരത് ഓര്ഗനൈസിങ് സെക്രട്ടറി എം.എസ്. ഭൂവനചന്ദ്രന് മുഖ്യാതിഥിയായി പങ്കെടുത്തു. മഹാമണ്ഡലേശ്വര് സ്വാമി ശങ്കര കൃഷ്ണാനന്ദ സരസ്വതി, ശിവസേന സംസ്ഥാന ഭാരവാഹികളായ രാധാകൃഷ്ണ മേനോന്, മോഹന് കുമാര് നായര്, എസ്. ജയശേഖര്, ടി. ആര്. ദേവന്, ഒറ്റശേഖരമംഗലം കൃഷ്ണന്കുട്ടി, ശ്രീവരാഹം രമേശ് ബാബു, അനില് ദാമോദര്, കാലടി ബൈജു, അഡ്വ. സാം ഐസക്, ഹരി ശാസ്തമംഗലം, അഡ്വ. ബിജു വഴയില, ഉണ്ണി രാജേന്ദ്രന്, കഴക്കുട്ടം വിനുദാസ്, കരമന രാമസുബ്രഹ്മണ്യം, പുത്തൂര് വിനോദ്, മായന് പട്ടാഴി, ബിജു വരാപ്പുരത്ത്, ആറ്റുകാല് സുനില്, രാജേഷ് കായ്പ്പാടി, വിനു പരവൂര് ബോസ് തേങ്കുറിശ്ശി, തുടങ്ങിയവര് സംസാരിക്കും. വിവിധ ഹൈന്ദവ സംഘടന നേതാക്കളും വിശ്വാസികളും നാമജപനത്തില് പങ്കെടുത്തു.
