ആംസ്റ്റല്‍വീന്‍ (നെതര്‍ലന്‍ഡ്‌സ്): പുരുഷ ഹോക്കി ലോകകപ്പിലെ ചിരവൈരികളുടെ ആവേശപ്പോരാട്ടത്തില്‍ പാകിസ്ഥാനെ നിലംപരിശാക്കി ഭാരതം. ആംസ്റ്റല്‍വീനിലെ വാഗനര്‍ സ്‌റ്റേഡിയത്തില്‍ തിങ്ങിനിറഞ്ഞ കാണികളെ സാക്ഷിയാക്കി നടന്ന നിര്‍ണായകമായ പൂള്‍ ഡി മത്സരത്തില്‍ മൂന്നിനെതിരെ അഞ്ച് ഗോളുകള്‍ക്കാണ് ഭാരതത്തിന്റെ ഗംഭീര വിജയം. തുടക്കം മുതല്‍ ആക്രമിച്ചു കളിച്ച ഭാരതത്തിന് മുന്നില്‍ പാകിസ്താന്റെ പ്രതിരോധനിര പൂര്‍ണ്ണമായും തകരുകയായിരുന്നു.
മത്സരത്തിന്റെ ആദ്യ ക്വാര്‍ട്ടര്‍ മുതല്‍ തന്നെ ഭാരതം കളിയില്‍ സമ്പൂര്‍ണ്ണ ആധിപത്യം പുലര്‍ത്തി. നായകന്‍ ഹര്‍മന്‍പ്രീത് സിങ്ങും യുവ ഫോര്‍വേഡ് അഭിഷേകും ഇരട്ട ഗോളുകളുമായി തിളങ്ങിയപ്പോള്‍, മറ്റൊരു താരം ഹാര്‍ദിക് സിങ്ങും ഗോള്‍ നേടി. കളി തുടങ്ങിയ ഉടന്‍ തന്നെ മികച്ച ആക്രമണങ്ങളുമായി മുന്നേറിയ ഭാരതം ആദ്യ ക്വാര്‍ട്ടറില്‍ രണ്ട് ഗോളുകളുടെ ലീഡ് നേടി (2-0). രണ്ടാം ക്വാര്‍ട്ടറില്‍ പാകിസ്ഥാന് രണ്ട് ഗോളുകള്‍ തിരിച്ചടിച്ചെങ്കിലും, ഭാരതം രണ്ട് ഗോളുകള്‍ കൂടി നേടി ആദ്യ പകുതി 4-2 എന്ന ശക്തമായ ലീഡില്‍ അവസാനിപ്പിച്ചു.
രണ്ടാം പകുതിയില്‍ ഭാരതത്തിന്റെ മുന്നേറ്റങ്ങളെ ഫൗളിലൂടെ തടയാന്‍ ശ്രമിച്ച പാകിസ്ഥാന് തിരിച്ചടിയായി പെനാല്‍റ്റി സ്‌ട്രോക്ക് ലഭിച്ചു. പന്ത് അനായാസം വലയിലെത്തിച്ച് ഹാര്‍ദിക് സിങ്ങ് ഭാരതത്തിന്റെ വിജയം ഉറപ്പിച്ചു (5-2).
ലോകകപ്പില്‍ 16 വര്‍ഷങ്ങള്‍ക്ക് ശേഷമുള്ള ക്ലാസിക് പോരാട്ടം 16 വര്‍ഷത്തെ ഇടവേളയ്‌ക്ക് ശേഷമാണ് പുരുഷ ഹോക്കി ലോകകപ്പില്‍ ഇരുടീമുകളും മുഖാമുഖം വന്നത്. ഇതിനുമുമ്പ് 2010 ന്യൂഡല്‍ഹി ലോകകപ്പിലായിരുന്നു ഇരുടീമുകളും നേര്‍ക്കുനേര്‍ ഏറ്റുമുട്ടിയത്. അന്നും 4-1 ന് ഭാരതം വിജയിച്ചിരുന്നു. സമീപകാലത്തെ തങ്ങളുടെ മികച്ച റെക്കോര്‍ഡ് ഒരിക്കല്‍ക്കൂടി അരക്കിട്ടുറപ്പിക്കുന്ന പ്രകടനമാണ് ഭാരത നിര ഈ മത്സരത്തിലും പുറത്തെടുത്തത്.
