തിരുവനന്തപുരം: കേരള ക്രിക്കറ്റ് ലീഗിന്റെ ആവേശത്തിലേക്ക് വഴിതുറന്ന്, കെസിഎൽ ഫാൻ ലീഗ് കലാശപ്പോരാട്ടങ്ങൾ ശനിയാഴ്ച തിരുവനന്തപുരത്ത് നടക്കും. കേരള ക്രിക്കറ്റ് ലീഗിന് മുന്നോടിയായി ക്രിക്കറ്റ് ആരാധകർക്ക് വേണ്ടി കെസിഎ സംഘടിപ്പിച്ച ടൂർണമെന്റാണ് കെസിഎൽ ഫാൻ ലീഗ്. കെസിഎല്ലിലെ വിവിധ ടീമുകൾ പ്രതിനിധീകരിക്കുന്ന ആറ് ജില്ലകളിൽ നടന്ന മത്സരങ്ങളിൽ ചാമ്പ്യന്മാരായ ടീമുകളാണ് കിരീടത്തിനായി ഏറ്റുമുട്ടുന്നത്. രാവിലെ 11.45-നാണ് ഉദ്ഘാടന ചടങ്ങ്.
തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂർ, കോഴിക്കോട് എന്നിവിടങ്ങളിലെ പ്രാഥമിക റൗണ്ടുകൾ കടന്നെത്തുന്ന ഫോർച്യൂൺ സിസി (ട്രിവാൺഡ്രം), ആഷസ് കൊട്ടാരക്കര (കൊല്ലം), ടീം കോൺക്വറേഴ്സ് (ആലപ്പുഴ), ഐഡ ബാറ്റ്ലിയൻസ് (കൊച്ചി), ലെജന്റ്സ് പൊന്നൂക്കര (തൃശൂർ), യുവ രാമനാട്ടുകര (കാലിക്കറ്റ്) എന്നീ ടീമുകളാണ് ഫൈനൽ റൗണ്ടിൽ അണിനിരക്കുന്നത്.
കഴക്കൂട്ടത്തെ ദി ഓവൽ ടർഫിൽ നടക്കുന്ന മത്സരങ്ങൾ ആറ് ഓവർ വീതമുള്ള ഫോർമാറ്റിലാണ് ക്രമീകരിച്ചിരിക്കുന്നത്. മത്സരിക്കുന്ന ആറ് ടീമുകളെ രണ്ട് പൂളുകളായി തിരിച്ചാണ് പോരാട്ടം. ഇരു പൂളുകളിലും പോയിന്റ് പട്ടികയിൽ മുന്നിലെത്തുന്ന ടീമുകൾ കലാശപ്പോരാട്ടത്തിൽ നേർക്കുനേർ ഏറ്റുമുട്ടും. കെസിഎല്ലിന് മുന്നോടിയായി ആരാധകരുടെ ആവേശം കൊടുമുടിയിലെത്തിക്കുന്ന തകർപ്പൻ മത്സരങ്ങൾക്കാണ് ശനിയാഴ്ച
