കൊച്ചി: കശുവണ്ടി കോര്‍പ്പറേഷന്‍ അഴിമതി കേസിലെ പ്രോസിക്യൂഷന്‍ അനുമതി ഉത്തരവ് പ്രതിയ്ക്ക് ആദ്യം ലഭ്യമാക്കിയത് മനപൂര്‍വമാണെന്ന് ഹൈക്കോടതി. ഉത്തരവ് ചോര്‍ത്തിയതാണെന്ന് വ്യക്തമാണെന്ന് ജസ്റ്റിസ് എ ബദറുദ്ദീന്‍ പറഞ്ഞു.
അഴിമതി കേസില്‍ വിചാരണ നേരിടുന്നയാളെ സുപ്രധാന പദവിയില്‍ തുടരാനനുവദിച്ചത് ചോദ്യം ചെയ്തുള്ള ഹര്‍ജി പരിഗണിക്കുമ്പോഴാണ് കോടതിയുടെ പരമാര്‍ശം. അഴിമതിക്കാരെ ഒഴിവാക്കി നിയമനങ്ങള്‍ നടത്താന്‍ കഴിഞ്ഞില്ലെങ്കില്‍ സര്‍ക്കാരിന് കളങ്കമാകുമെന്നും കോടതി ഓര്‍മിപ്പിച്ചു. കോടതി വിമര്‍ശനത്തിന് പിന്നാലെ കെ എ രതീഷ് പദവികള്‍ രാജിവച്ചെന്ന് ഹജിക്കാരന്‍ കോടതിയെ അറിയിച്ചു. പ്രോസിക്യൂഷന്‍ അനുമതി ഉത്തരവ് ചോര്‍ന്നതില്‍ അന്വേഷണം നടക്കുന്നുണ്ടെന്ന് സര്‍ക്കാരും കോടതിയെ അറിയിച്ചു.
പ്രോസിക്യൂഷന്‍ അനുമതി ഉത്തരവ് അദ്യം തന്നെ പ്രതി ഐ എന്‍ ടി യു സി സംസ്ഥാന അധ്യക്ഷന്‍ ആര്‍ ചന്ദ്രശേഖരന് ലഭിച്ചതാണ് വിവാദമായത്.
