ഓപ്പറേഷൻ സിന്ദൂരിൽ പാകിസ്ഥാനെ തകർത്ത ഇന്ത്യൻ വ്യോമസേന ഇപ്പോൾ ലോകത്തിന് മുന്നിൽ വീണ്ടും ശക്തി പ്രകടിപ്പിക്കാൻ ഒരുങ്ങുന്നു. “തരംഗ് ശക്തി 2.0” എന്ന സംയുക്ത വ്യോമാഭ്യാസത്തിൽ റാഫേൽ യുദ്ധവിമാനവും , സുഖോയ്-30MKI യും അടക്കം കരുത്ത് കാട്ടും . ഇന്ത്യൻ നാവികസേനയുടെ പ്രകടനം കാണാനും, പഠിക്കാനും 20-ലധികം സൗഹൃദ രാജ്യങ്ങളാണ് ജോധ്പൂർ വ്യോമതാവളത്തിൽ ഒത്തുകൂടുന്നത് . പാകിസ്ഥാൻ അതിർത്തിക്കടുത്തായി സ്ഥിതി ചെയ്യുന്ന ജോധ്പൂർ, 2026-ലെ ഏറ്റവും വലിയ വ്യോമയുദ്ധത്തിനാകും സാക്ഷ്യം വഹിക്കുക.
ഓപ്പറേഷൻ സിന്ദൂറിനിടെ യാതൊരു നാശനഷ്ടങ്ങളും കൂടാതെ അതിർത്തിക്കപ്പുറത്ത് കൃത്യമായ ആക്രമണങ്ങളിലൂടെ ഇന്ത്യൻ വ്യോമസേന ശത്രു സ്ഥാനങ്ങൾ നശിപ്പിച്ച രീതി ലോകത്തിലെ മുൻനിര വ്യോമസേനയെ അത്ഭുതപ്പെടുത്തിയിരുന്നു . ഇപ്പോൾ, യുണൈറ്റഡ് സ്റ്റേറ്റ്സ്, ഫ്രാൻസ്, ബ്രിട്ടൻ, ഓസ്ട്രേലിയ, ജപ്പാൻ എന്നിവയുൾപ്പെടെ 20-ലധികം രാജ്യങ്ങളിൽ നിന്നുള്ള യുദ്ധവിമാനങ്ങളാണ് നാവികസേനയുടെ ആധുനിക തന്ത്രങ്ങൾ, AI-അധിഷ്ഠിത ടാർഗെറ്റിംഗ്, കൃത്യതയുള്ള സ്ട്രൈക്ക് കഴിവുകൾ എന്നിവ പഠിക്കാൻ ഇന്ത്യയിലേക്ക് വരുന്നത്.സെപ്റ്റംബർ 26 മുതൽ തരംഗ് ശക്തി ആരംഭിക്കും.
സഖ്യരാജ്യങ്ങളിൽ നിന്നുള്ള F-16, യൂറോഫൈറ്റർ ടൈഫൂൺ, F-2 ജെറ്റുകൾ എന്നിവയും ജോധ്പൂരിലെത്തും .ലവിൽ, നാല് റാഫേൽ യുദ്ധവിമാനങ്ങൾ, രണ്ട് സി-17 ഗ്ലോബ്മാസ്റ്റേഴ്സ്, ഇന്ത്യൻ വ്യോമസേനയിലെ 100-ലധികം വ്യോമസേനാംഗങ്ങൾ എന്നിവർ ഓസ്ട്രേലിയയിൽ നടക്കുന്ന മൾട്ടി-കൺട്രി വ്യോമാഭ്യാസമായ “പിച്ച് ബ്ലാക്ക്”-ൽ പങ്കെടുക്കുന്നുണ്ട്.
ജൂലൈ 20-ന് ആരംഭിച്ച് ഓഗസ്റ്റ് 7 വരെ തുടരുന്ന ഈ വമ്പൻ സൈനികാഭ്യാസത്തിൽ 19 രാജ്യങ്ങളിൽ നിന്നുള്ള വ്യോമസേനകൾ പങ്കെടുക്കുന്നു. ഈ അഭ്യാസത്തിന് തൊട്ടുപിന്നാലെ, ഓഗസ്റ്റ് ആദ്യവാരം ഇന്ത്യൻ സംഘം മലേഷ്യയിൽ എത്തും, അവിടെ അവർ റോയൽ മലേഷ്യൻ വ്യോമസേനയുമായി “ഉദാര ശക്തി” എന്ന ഉഭയകക്ഷി അഭ്യാസത്തിൽ പങ്കെടുക്കും. ഒരാഴ്ച നീണ്ടുനിൽക്കുന്ന ഈ അഭ്യാസത്തിൽ, ഇന്ത്യൻ വ്യോമസേനയുടെ റാഫേലുകളും മലേഷ്യയുടെ സുഖോയ്-30 യുദ്ധവിമാനങ്ങളും ഒരുമിച്ച് പറക്കും, അവരുടെ യുദ്ധ വൈദഗ്ധ്യവും തന്ത്രപരമായ അനുഭവങ്ങളും പങ്കിടും.
മലേഷ്യയ്ക്ക് ശേഷം, ഇന്ത്യൻ വ്യോമസേനയുടെ ജപ്പാൻ എയർ സെൽഫ് ഡിഫൻസ് ഫോഴ്സുമായുള്ള ഉഭയകക്ഷി സൈനികാഭ്യാസം സെപ്റ്റംബർ 12 മുതൽ സെപ്റ്റംബർ 23 വരെ രാജസ്ഥാനിലെ ജോധ്പൂർ വ്യോമതാവളത്തിൽ നടക്കും. ഇന്ത്യൻ വ്യോമസേനയുടെ സുഖോയ് സു-30എംകെഐയും ജപ്പാന്റെ എഫ്-2 യുദ്ധവിമാനങ്ങളും സങ്കീർണ്ണമായ വ്യോമാഭ്യാസത്തിൽ ഏർപ്പെടും.
