സംഖ്യാശാസ്ത്രപ്രകാരം 13 ഭാഗ്യംകെട്ട സംഖ്യയാണ് .ഈ അക്കത്തിനു കാലാകാലങ്ങളായി മോശം അക്കമെന്ന ദുഷ്പ്പേരും കൂടെയുണ്ട് . സംഖ്യാശാസ്ത്രത്തിൽ വിശ്വസിക്കാത്തവർ പോലും 13 എന്ന അക്കത്തെ കൂട്ടുപിടിക്കാറില്ല. ഈ ദിനത്തിൽ ശുഭകാര്യങ്ങൾ ഒന്നും ചെയ്യാറില്ലെന്നത് പരസ്യമായ രഹസ്യമാണ്. വീട്ടുനമ്പറും വാഹനങ്ങളുടെ നമ്പറും സിനിമകളുടെ റിലീസും സ്പോർട്സ് താരങ്ങളുടെ ജെഴ്സികളിലും 13 ഉപയോഗിക്കാറില്ല .
ഹോട്ടലുകളിൽ 13 നമ്പർ മുറി സ്വീകരിക്കാൻ പലരും മടികാട്ടുന്നു. എന്തിനേറെ രാഷ്ട്രീയ നേതാക്കൻമാർ പോലും 13 എന്ന നമ്പറുള്ള കോട്ടേഴ്സുകളും വണ്ടികളും ഉപയോഗിക്കാറില്ലെന്നതു വാർത്തയായിരുന്നു. ആഭിചാരം, മന്ത്രവാദം എന്നിവയുമായി ബന്ധപ്പെട്ടു കിടക്കുന്ന നമ്പര് കൂടിയാണ് പതിമൂന്ന്.
യേശുക്രിസ്തുവായി ബന്ധപ്പെട്ട ഒരു സംഭവമാണ് 13നെ അപശകുനമാക്കിയതെന്നാണ് ചിലർ വിശ്വസിക്കുന്നത്. യുദാസാണ് 30 വെള്ളിക്കാശിന് യേശുവിനെ ഒറ്റുകാെടുക്കുന്നത്. ഒറ്റുകൊടുക്കുന്ന സമയം യുദാസ് ഇരുന്നിരുന്നത് 13-ാം നമ്പർ കസേരയിലാണ്. അതിനുശേഷമാണ് 13നെ വെറുക്കപ്പെട്ടതായി കണക്കാക്കാൻ തുടങ്ങിയതെന്നാണ് കൂടുതൽപേരും വിശ്വസിക്കുന്നത്.
ചിലയിടങ്ങളിൽ മറ്റുചില കഥകളും പ്രചരിക്കുന്നുണ്ട്.13-ാം നമ്പർ പേടിയെ മനഃശാസ്ത്രജ്ഞർ ട്രിസ്കൈഡെകഫോബിയ അല്ലെങ്കിൽ തേർട്ടീൻ ഡിജിറ്റ് ഫോബിയ എന്നാണ് വിളിക്കുന്നത്. ഇത്തരം പേടിക്ക് ഒരു അടിസ്ഥാനവും ഇല്ലെന്നാണ് അവർ പറയുന്നത്.
സംഖ്യാശാസ്ത്രമനുസരിച്ച് 13 ദർഭാഗ്യത്തിന്റെ സംഖ്യയാണെന്നാണ് കണക്കാക്കുന്നത്. പല നമ്പറുകൾക്കും വേണ്ടി ലേലം വിളി നടക്കുമ്പോൾ പതിമൂന്നാം നമ്പർ മാത്രം ആർക്കും വേണ്ടാതെ പിന്തള്ളപ്പെടുന്നു.
സർക്കാർ വാഹനമായിട്ടു പോലും ഭരണകർത്താക്കൾ പതിമൂന്നാം നമ്പർ എടുക്കാൻ ഭയപ്പെടുന്നു. പതിമൂന്നാം തീയതി പല ദുരന്തങ്ങളും ഉണ്ടായതായി പലരും ശ്രദ്ധിച്ചിട്ടുണ്ട്. പതിമൂന്നാം തീയതിയും വെള്ളിയാഴ്ചയും കൂടി ചേർന്നാൽ അത് കൂടുതൽ കുഴപ്പമാകും എന്നാണ് വിശ്വാസം.
ഇതിന് പ്രതിവിധിയായി പലപ്പോഴും ഹോട്ടലുകളിൽ പതിമൂന്നാം നമ്പർ ഒഴിവാക്കി 14 അല്ലെങ്കിൽ 13A എന്നോ ആയിരിക്കും ഉപയോഗിക്കുക. ചില ഹോട്ടലുകളിൽ നൂറു തൊട്ടായിരിക്കും സംഖ്യ തുടങ്ങുന്നത് തന്നെ. ഇതും 13 ഒഴിവാക്കാനുള്ള മറ്റൊരു സൂത്രമാണ്.
ക്വോർട്ടേഴ്സുകൾക്കും മറ്റും 13 നമ്പർ വന്നാൽ പലപ്പോഴും അതിനോടൊപ്പം ഒരു A കൂടി ഇത് വിശ്വസിക്കുന്നവർ എഴുതി ചേർക്കുക പതിവാണ്. പതിമൂന്നാം നമ്പർ വാഹനം വരുന്നവർക്കും ഒരു A കൂടിച്ചേർത്ത് ആ വാഹനം ഉപയോഗിക്കാവുന്നതാണ്.
