പത്തനംതിട്ട: കനത്ത മഴയുടെ സാഹചര്യത്തില് പത്തനംതിട്ട, ആലപ്പുഴ, മലപ്പുറം, കോഴിക്കോട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച അവധി.പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകം. മുന്കൂട്ടി നിശ്ചയിച്ച സര്വകലാശാല പരീക്ഷകള്ക്ക് മാറ്റമില്ല.മദ്രസ, അങ്കണവാടി,ട്യൂഷന് സെന്ററുകള്, എന്നിവയ്ക്കും അവധിയായിരിക്കും.
കണ്ണൂര് ജില്ലയിലെ പയ്യന്നൂര്, തളിപ്പറമ്പ്, ഇരിട്ടി താലൂക്കുകളിലെ വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച അവധിയാണ്. ഇവിടെ പ്രൊഫഷണല് കോളേജുകള്ക്ക് അവധി ബാധകമല്ല.ഇടുക്കി , വയനാട് ജില്ലകളില് ദുരിതാശ്വാസ ക്യാമ്പുകളായി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് ക്യാമ്പ് അവസാനിക്കുന്ന ദിവസം വരെ അവധി പ്രഖ്യാപിച്ചു.
അതേസമയം, കനത്ത മഴയുടെ പശ്ചാത്തലത്തില് 4, 5, 6, 10 തീയതികളിലെ എല്ലാ പി എസ് സി പരീക്ഷകളും മാറ്റി.
