കൊച്ചി : ദല്ഹിയില് സിജെപി പ്രക്ഷോഭത്തെ പിന്തുണച്ച സെലിബ്രിറ്റികളുടെ ഇരട്ടത്താപ്പിനെതിരെ സൈബറിടങ്ങളില് വ്യാപക വിമര്ശനങ്ങള് ഉയര്ന്നിരുന്നു.തിരുവനന്തപുരത്ത് സെക്രട്ടേറിയറ്റിന് മുന്നില് പി എസ് സി റാങ്ക് പട്ടികയില് ഉള്പ്പെട്ട ഉദ്യോഗാര്ത്ഥികള് മണ്ണ് വാരി തിന്ന് സമരം നടത്തിയത് കാണാതെ ദല്ഹിയിലെ പ്രക്ഷോഭത്തെ പിന്തുണച്ചതാണ് വിമര്ശനത്തിന് കാരണം.
സെലിബ്രിറ്റികളുടെ ഉളളിലെ രാഷ്ട്രീയവും ഇതിലൂടെ വ്യക്തമായിരുന്നു. ഏതായാലും ഇരട്ടത്താപ്പ് വെളിച്ചത്തായതോടെ ഗത്യന്തരമില്ലാതെ പി എസ് സി റാങ്ക് ഹോള്ഡേഴ്സിന്റെ സമരത്തിന് പിന്തുണയുമായി രംഗത്ത് വന്നിരിക്കുകയാണ് ഇവരില് ചിലര്.
ടൊവിനോ തോമസ്, നസ്ലിന്, ചന്തു സലിംകുമാര്,രഞ്ജിനി ഹരിദാസ് തുടങ്ങി നിരവധി സെലിബ്രിറ്റികളാണ്,അധികാരികള് എത്രയും പെട്ടെന്ന് ഇടപെടേണ്ട വിഷയമെന്ന് ചൂണ്ടിക്കാട്ടി രംഗത്തെത്തിയിരിക്കുന്നത്.തന്റെ ഇടത് സുഹൃത്തുക്കളെ അഭിസംബോധന ചെയ്തുകൊണ്ടാണ് ചന്തു സലിംകുമാറിന്റെ ഇന്സ്റ്റഗ്രാം സ്റ്റോറി. കഷ്ടപ്പെട്ട് പഠിച്ച് പരീക്ഷയെഴുതിയ ഉദ്യോഗാര്ഥികള്ക്ക് അര്ഹമായ അവസരം ലഭിക്കേണ്ട സംവിധാനമായ പിഎസ്സിയില് മുന് സര്ക്കാരിന്റെ കാലത്ത് വന് ക്രമക്കേടുകള് നടന്നതായി ചന്തു ചൂണ്ടിക്കാട്ടി. ന്യായീകരിക്കാതെ ഈ വിഷയത്തില് കൃത്യമായ ഇടപെടലുകള് ആവശ്യപ്പെടുക കൂടിയാണ് കമ്മ്യൂണിസ്റ്റിന്റെ ഉത്തരവാദിത്തമെന്നും ചന്തു പോസ്റ്റിട്ടു.
പിഎസ്സി റാങ്ക് ലിസ്റ്റില് വന്നിട്ടും ജോലി ലഭിക്കാത്ത ഉദ്യോഗാര്ഥികളുടെ അവസ്ഥ വിവരിക്കുന്ന ഒരു വിഡിയോ നടന് ടൊവിനോ തോമസ് ഇന്സ്റ്റഗ്രാം സ്റ്റോറിയാക്കി. പലരും ചൂണ്ടിക്കാണിച്ചപ്പോള് ആണ് തന്റെ ശ്രദ്ധയില് പിഎസ്സി ഉദ്യോഗാര്ഥികളുടെ സമരം വന്നതെന്നും തീര്ച്ചയായും താന് ആ സമരത്തെ പിന്തുണയ്ക്കുമെന്നും രഞ്ജിനി ഹരിദാസ് പറഞ്ഞു. വിഷയം പഠിച്ചുവരികയാണെന്നും അവതാരക അറിയിച്ചു.
സെക്രട്ടേറിയറ്റില് സമരം ചെയ്യുന്ന ഉദ്യോഗാര്ഥികളുടെ ദുരവസ്ഥ വിവരിക്കുന്ന വിഡിയോ നടന് നസ്ലെന്, നടി ലിയോണ ലിഷോയ്, ദീപ തോമസ് തുടങ്ങിയവരും പങ്കുവച്ചു.
