ന്യൂഡൽഹി : പ്രധാനമന്ത്രി നരേന്ദ്രമോദി രാജി വയ്ക്കണമെന്ന് ആവശ്യപ്പെട്ട് കോൺഗ്രസ് നേതാവ് കനയ്യ കുമാർ . കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജി വച്ചതിനു പിന്നാലെയാണ് കനയ്യ കുമാറിന്റെ പ്രതികരണം .
“നമ്മൾ കുറച്ചു ദൂരം മുന്നോട്ട് പോയിരിക്കുന്നു, ഇനിയും പോരാട്ടം മുന്നിലുണ്ട്. ധർമ്മേന്ദ്ര പോയി, ഇനി നരേന്ദ്രയുടെ ഊഴമാണ് . ഇത് ഉത്തരവാദിത്തത്തിന്റെ തുടക്കമാണ്… അത് തുടരും…” എന്നാണ് കനയ്യ കുമാർ തന്റെ എക്സ് പോസ്റ്റിൽ കുറിച്ചത്.
ഇതോടെ നീറ്റ് പരീക്ഷയുടെ പേരിൽ കോൺഗ്രസ് ലക്ഷ്യം വച്ചത് മോദിസർക്കാരിനെ ആണെന്നത് കാര്യം കൂടുതൽ വ്യക്തമാകുകയാണ്. കഴിഞ്ഞ ദിവസം കേരള ഹൗസിലെത്തി പ്രശ്നമുണ്ടാക്കിയ കനയ്യയെ പൊലീസ് അറസ്റ്റ് ചെയ്തിരുന്നു.
