ഗ്ലാസ്ഗോ: കോമണ്വെല്ത്ത് ഗെയിംസ് 2026ന്റെ ഔദ്യോഗിക ഉദ്ഘാടനത്തിന് മുമ്പേ ഭാരത വനിതാ ബോക്സര് ലവ്ലിന ബോര്ഗോഹെയ്ന് മെഡല് ഉറപ്പാക്കി. ലവ്ലിന പങ്കെടുക്കുന്ന വനിതകളുടെ 75 കിലോ വിഭാഗം ബോക്സിങ്ങില് നേരിട്ട് സെമിയില് പ്രവേശിക്കാനായതോടെയാണ് ലവ്ലിന മെഡല് ഉറപ്പിച്ചത്.
ബോക്സിങ്ങില് സെമിയിലെത്തി തോറ്റാലും വെങ്കല മെഡല് ഉറപ്പാണ്. ജചിച്ചാല് ഫൈനലില് പ്രവേശിക്കുന്നത് വഴി വെള്ളിമെഡല് ഉറപ്പിക്കാന് സാധിക്കും. ഫൈനലിലും നേട്ടം ആവര്ത്തിച്ചാല് സ്വര്ണം.
ലവ്ലിന പങ്കെടുക്കുന്ന ഇനത്തിനായി ആകെ അഞ്ച് താരങ്ങളാണ് പങ്കെടുക്കുന്നത്. ഇതില് നിന്ന് മൂന്ന് പേര് നേരിട്ട് സെമിയിലേക്ക് തെരഞ്ഞെടുത്തു. നാലും അഞ്ചും സ്ഥാനത്തുള്ള താരങ്ങള് നാലാം സ്ഥാനത്തോടെ സെമിയിലെത്താന് വേണ്ടി മത്സരിക്കും. നേരിട്ട് സെമിയിലേക്ക് തെരഞ്ഞെടുക്കപ്പെട്ട മൂന്ന് താരങ്ങളില് ഒരാളായതോടെയാണ് ലവ്ലിനയുടെ മെഡല് ഉറപ്പിക്കാന് സാധിച്ചത്.
31ന് സെമി പോരാട്ടത്തില് ആദ്യ മത്സരത്തിനിറങ്ങുന്ന ലവ്ലിനയുടെ എതിരാളി ടഫാക്കി ആണ്. ഈ കളിയില് ജയിച്ചാല് ലവ്ലിനയുടെ മെഡല്നേട്ടത്തിന് വെള്ളിത്തിളക്കമാകും. ഫൈനലും ജയിച്ചാല് അത് ലവ്ലിനയുടെ മെഡലിന് സ്വര്ണത്തിളക്കമേകും.
ഭാരത താരങ്ങള് ഇന്ന്
പാരാ പവര് ലിഫ്റ്റിങ് ഫൈനലുകള്
പുരുഷ ലൈറ്റ് വെയ്റ്റ്- അശോക് കുമാര് മാലിക്, പരംജീത്ത് കുമാര് (വൈകീട്ട് 5.30)
വനിതാ ലൈറ്റ് വെയ്ററ്- സുമന് ദേവി, ജസ്പ്രീത് കൗര്(വൈകീട്ട് 5.30)
പുരുഷ ഹെവി വെയ്റ്റ്- സുധീര്, സന്ധു കുമാര്(രാത്രി 10.30)
വനിതാ ഹെവി വെയ്റ്റ്- കസ്തൂരി രാജാമണി(രാത്രി 10.30)
ജിംനാസ്റ്റിക്സ്
പുരുഷ ടീം ഫൈനല്(ഉച്ചയ്ക്ക് 2.30)
ബോക്സിങ്
പ്രീതി പവാര്, ജാസ്മിന് ലംബോറിയ, ആദിത്യ പ്രതാപ് സിങ്(വൈകീട്ട് 3.30)
പ്രിയ ഘന്ജാസ്, ജഡുമാനി സിങ്, സുമിത്ത് കുന്ഡു(രാത്രി 10.30)
നീന്തല്
അലി ഇമാം- എസ്13 100 മീറ്റര് ഫ്രീസ്റ്റൈല് ഹീറ്റ്സ്(ഉച്ചയ്ക്ക് 2.15)
ശ്രീഹരി നടരാജ്- 50മീറ്റര് ബാക്ക്സ്ട്രോക്ക് ഹീറ്റ്സ്(ഉച്ചയ്ക്ക് 2.20)
ബോള്സ്: പുടുല് സോനോവാള്, പിങ്കി സിങ്, രൂപ റാണി ടിര്ക്കി
