ഫ്ലാറ്റില്‍ യുവ ഡോക്ടര്‍ കുത്തേറ്റു മരിച്ചു; ഡോക്ടറായ ഭാര്യ കസ്റ്റഡിയില്‍

ബെം​ഗ​ളൂ​രു: ഫ്ലാ​റ്റി​നു​ള്ളി​ൽ ഡോ​ക്ട​റെ കു​ത്തേ​റ്റ് മ​രി​ച്ച നി​ല​യി​ൽ ക​ണ്ടെ​ത്തി. എട്ടുവയസ്സുകാരനായ മകനെ കുത്തേറ്റ പരിക്കുകളോടെയും കണ്ടെത്തി. ക​ർ​ണാ​ട​കി​ലെ ധാ​ർ​വാ​ഡി​ലെ അ​തീ​വ സു​ര​ക്ഷ​യു​ള്ള ഫ്ലാ​റ്റ് സ​മു​ച്ച​യ​ത്തി​ലാ​ണ് സംഭവം ന​ട​ന്ന​ത്. ക​ർ​ണാ​ട​ക ചി​രാ​യു ആ​ശു​പ​ത്രി​യി​ലെ അ​ന​സ്തേ​ഷ്യോ​ള​ജി​സ്റ്റാ​യ കി​ര​ൺ ഹൊ​ന​ണ്ണ​വ​ർ (45) ആ​ണ് കൊ​ല്ല​പ്പെ​ട്ട​ത്. കു​ത്തേ​റ്റ് ഗു​രു​ത​ര പ​രു​ക്കു​ക​ളോ​ടെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച കു​ട്ടി നി​ല​വി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാ​ണ്.

സംഭവവുമായി ബന്ധപ്പെട്ട് ഡോക്ടറുടെ ഭാര്യ ഡോ. പ്രിയങ്കയെ പോലീസ് കസ്റ്റഡിയില്‍ എടുത്തിട്ടുണ്ട്. കുടുംബ വഴക്കാണ് സംഭവത്തിലേക്ക് നയിച്ചതെന്നാണ് പോലീസിന്റെ പ്രാഥമിക നിഗമനം.

സംഭവ സമയത്ത് ഡോ. കിരണ്‍, ഡോ. പ്രിയങ്ക, മകന്‍ എന്നിവര്‍ മാത്രമാണ് ഫ്‌ളാറ്റില്‍ ഉണ്ടായിരുന്നതെന്നും പുറത്തുനിന്ന് ആരും ഫ്‌ളാറ്റിലേക്ക് പ്രവേശിച്ചിട്ടില്ലെന്നാണ് സൂചനയെന്നും ഹുബ്ലി-ധാര്‍വാഡ് പോലീസ് കമ്മീഷണര്‍ എന്‍ ശശികുമാര്‍ അറിയിച്ചു.

കി​ര​ണി​നെ ബ​ന്ധു​ക്ക​ൾ ഫോ​ണി​ൽ ബ​ന്ധ​പ്പെ​ടാ​ൻ ശ്ര​മി​ച്ച​പ്പോ​ഴാ​ണ് സം​ഭ​വം പു​റ​ത്ത​റി​യു​ന്ന​ത്. ബ​ന്ധു​ക്ക​ൾ വി​ളി​ച്ച​പ്പോ​ഴെ​ല്ലാം ഭ​ർ​ത്താ​വ് വി​ശ്ര​മി​ക്കു​ക​യാ​ണെ​ന്നും പി​ന്നീ​ട് പു​റ​ത്തു​പോ​യെ​ന്നും പ​റ​ഞ്ഞ് പ്രി​യ​ങ്ക ഒ​ഴി​ഞ്ഞു​മാ​റു​ക​യാ​യി​രു​ന്നു. വൈ​കു​ന്നേ​ര​മാ​യി​ട്ടും കി​ര​ണി​നെ ഫോ​ണി​ൽ കി​ട്ടാ​താ​യ​തോ​ടെ സം​ശ​യം തോ​ന്നി​യ ബ​ന്ധു​ക്ക​ൾ ഫ്ലാ​റ്റി​ലെ​ത്തി പ​രി​ശോ​ധി​ച്ച​പ്പോ​ഴാ​ണ് ചോ​ര​യി​ൽ കു​ളി​ച്ചു​കി​ട​ക്കു​ന്ന മൃ​ത​ദേ​ഹം ക​ണ്ടെ​ത്തി​യ​ത്. തൊ​ട്ട​ടു​ത്ത മു​റി​യി​ൽ ഗു​രു​ത​ര​മാ​യി പരു​ക്കേ​റ്റ് അ​വ​ശ​നി​ല​യി​ലാ​യ കു​ട്ടി​യെ​യും ക​ണ്ടെ​ത്തി.

നി​ല​വി​ൽ ക​സ്റ്റ​ഡി​യി​ലു​ള്ള പ്രി​യ​ങ്ക പ​ര​സ്പ​ര​വി​രു​ദ്ധ​മാ​യ മൊ​ഴി​ക​ളാ​ണ് ന​ൽ​കു​ന്ന​തെ​ന്ന് പോ​ലീ​സ് ക​മ്മീ​ഷ​ണ​ർ വ്യ​ക്ത​മാ​ക്കി. ഫ്ലാ​റ്റി​ലെ സി​സി​ടി​വി ദൃ​ശ്യ​ങ്ങ​ളും പോ​ലീ​സ് പ​രി​ശോ​ധി​ക്കും. പോ​സ്റ്റ്‌​മോ​ർ​ട്ടം റി​പ്പോ​ർ​ട്ട് ല​ഭി​ച്ച​ശേ​ഷം മാ​ത്ര​മേ കൊ​ല​പാ​ത​ക​ത്തി​ന്റെ യ​ഥാ​ർ​ഥ കാ​ര​ണ​വും എ​പ്പോ​ഴാ​ണ് സം​ഭ​വ​മെ​ന്നും വ്യ​ക്ത​മാ​കൂ എ​ന്ന് സ​ബ​ർ​ബ​ൻ പോ​ലീ​സ് അ​റി​യി​ച്ചു.