മുംബൈ: ഐഡിബിഐ ബാങ്കിനെ കാനഡയിലെ ഫെയര് ഫാക്സ് എന്ന കമ്പനി വാങ്ങാന് താല്പര്യപ്പെടുന്നതായി റിപ്പോര്ട്ട്. ഏകദേശം 54,720 കോടി വരെ മുടക്കാന് ഈ കമ്പനി തയ്യാറാണെന്നും പറയുന്നു.
ഐഡിബിഐ സ്വകാര്യവല്ക്കരിക്കുമെന്ന അഭ്യൂഹം നിലനില്ക്കെയാണ് പുതിയ സംഭവവികാസം. നിര്ണായക വഴിത്തിരിവ്. ഇന്ത്യന് വംശജനായ ശതകോടീശ്വരന് പ്രേം വത്സയുടെ നേതൃത്വത്തിലുള്ള കമ്പനിയാണ് ഫെയര് ഫാക്സ്.
അങ്ങിനെ സംഭവിച്ചാല് ഇന്ത്യയിലെ ഒരു ബാങ്കില് നടക്കുന്ന ഏറ്റവും വലിയ വിദേശ നിക്ഷേപങ്ങളിലൊന്നായി ഇത് മാറും.
ഐഡിബിഐ ബാങ്കിലെ 60.7% ഓഹരികള് വില്ക്കാനാണ് കേന്ദ്ര സര്ക്കാരും ലൈഫ് ഇന്ഷുറന്സ് കോര്പ്പറേഷന് ഓഫ് ഇന്ത്യയും ലക്ഷ്യമിടുന്നത്. നിലവില് കേന്ദ്ര സര്ക്കാരിന് 45.5 ശതമാനവും എല്ഐസിക്ക് 49.2 ശതമാനവും ഓഹരികളാണ് ബാങ്കിലുള്ളത്.
അതായത്, ബാങ്കിന്റെ 95 ശതമാനത്തോളം നിയന്ത്രിക്കുന്നത് ഇവര് രണ്ടുപേരുമാണ്. ഫെയര്ഫാക്സ് ഫിനാന്ഷ്യല് ഹോള്ഡിങ്സ്, ദുബായ് ആസ്ഥാനമായുള്ള എമിറേറ്റ്സ് എന്ബിഡി എന്നീ രണ്ട് കമ്പനികളാണ് ഐഡിബിഐ ബാങ്കിനെ സ്വന്തമാക്കാന് രംഗത്തുള്ളത്.
ആരാണ് പ്രേം വത്സ?
കാനഡയിലെ സാമ്പത്തിക ഓഹരി നിക്ഷേപവിദഗ്ധന് എന്ന നിലയ്ക്ക് കാനഡയിലെ വാറന് ബഫറ്റ് എന്ന് വിളിക്കപ്പെടുന്ന ആളാണ് പ്രേം വത്സ, നേരത്തെ കാത്തലിക് സിറിയന് ബാങ്കില് പ്രേം വത്സയുടെ കമ്പനി ഓഹരി വാങ്ങിയിട്ടുണ്ട്.
ഐഡിബിഐ ഇന്ന് ശക്തമായ ബാങ്ക്
ഏതാനും വര്ഷങ്ങള്ക്ക് മുന്പ് വരെ കിട്ടാക്കടം കാരണം ഐഡിബിഐ പ്രതിസന്ധിയിലായിട്ടുണ്ട്. . സാമ്പത്തിക തകര്ച്ചയെ തുടര്ന്ന് 2018-ല് റിസര്വ് ബാങ്ക് ഐഡിബിഐയെ ഏറ്റെടുത്തു. അതിന് ശേഷം ബാങ്ക് ലാഭത്തിലേക്ക് കുതിച്ചു. ഇതോടെ നിക്ഷേപകരുടെ വിശ്വാസം വീണ്ടെടുക്കാനും ബാങ്കിന് കഴിഞ്ഞു.
