ലണ്ടന്: തുടര്ച്ചയായ രണ്ടാം ഗ്രാന്ഡ് സ്ലാം ടെന്നീസ് ടൂര്ണമെന്റ് ഫൈനലിലും അലക്സാണ്ടര് സ്വരേവ് ഇടം കണ്ടെത്തി. വിംബിള്ഡണ് സെമി പോരാട്ടത്തില് ആര്തര് ഫെരിയെ നേരിട്ടുള്ള സെറ്റിന് കീഴടക്കി ഗംഭീര ഫൈനല് പ്രവേശത്തോടെയാണ് സ്വരേവ് നേട്ടം ആവര്ത്തിച്ചിരിക്കുന്നത്. കഴിഞ്ഞ മാസം ഫ്രഞ്ച് ഓപ്പണ് ഫൈനലിലെത്തിയ താരം കരിയറിലെ ആദ്യ ഗ്രാന്ഡ് സ്ലാം നേട്ടം സ്വന്തമാക്കിയിരുന്നു.
സെമിയില് ഫെരി പൊരുതി നോക്കിയെങ്കിലും സ്വരേവിന്റെ തകര്പ്പന് പ്രകടനത്തെ അതിജയിക്കാനായില്ല. സ്കോര് 7-6(7-0), 6-2, 6-4.
വനിതാ സിംഗിള്സില് ഇന്ന് നടക്കുന്ന ഫൈനല് പോരാട്ടത്തില് കരോലിന മുച്ചോവയും ലിന്ഡ മുസ്കോവയും ഏറ്റുമുട്ടും. രാത്രി 8.30നാണ് മത്സരം. സെമിയില് മാര്ത്താ കോസ്റ്റിയൂക്കിനെ നേരിട്ടുള്ള സെറ്റിന് തകര്ത്താണ് നോസ്കോവ ഫൈനലിലെത്തിയത്. ഇതിന് മുമ്പ് നടന്ന വനിതാ സിംഗിള്സ് സെമിയില് ഏഴാം സീഡ് താരം കോക്കോ ഗൗഫിനെ നേരിട്ടുള്ള സെറ്റിന് മറികടന്നായിരുന്നു മുച്ചോവയുടെ ഫൈനല് പ്രവേശം.
