വയനാട് : കള്ളാടി മണ്ണിടിച്ചില് ദുരന്തമേഖലയില് മുഖ്യമന്ത്രി വി ഡി സതീശന് സന്ദര്ശനം നടത്തി. മന്ത്രിമാരായ എ പി അനില്കുമാറും ടി സിദ്ദിഖും ജനപ്രതിനിധികളും മുഖ്യമന്ത്രിക്കൊപ്പമുണ്ടായിരുന്നു.
ദുരിതാശ്വാസ ക്യാമ്പ് പ്രവര്ത്തിക്കുന്ന മേപ്പാടി ഗവണ്മെന്റ് പോളിടെക്നിക് കോളേജിലും പരിക്കേറ്റവര് ചികിത്സയിലുള്ള വിംസ് ആശുപത്രിയിലും മുഖ്യമന്ത്രി എത്തി.ജില്ലാ കളക്ടറേറ്റില് മുഖ്യമന്ത്രിയുടെ അധ്യക്ഷതയില് അവലോകനയോഗം ചേരുന്നുണ്ട്.
അതേസമയം വയനാട് കള്ളാടി മണ്ണിടിച്ചില് ദുരന്ത കാരണത്തില് സര്ക്കാരിന് വ്യക്തത വന്നിട്ടില്ലെന്നാണ് വ്യക്തമാകുന്നത്. സ്വാഭാവികമായ പ്രകൃതി ദുരന്തമല്ലെന്നും അശാസ്ത്രീയമായി കൂട്ടിയിട്ട മണ്ണ് ഇടിഞ്ഞുള്ള മനുഷ്യനിര്മിത ദുരന്തമെന്നുമായിരുന്നു കള്ളാടി മണ്ണിടിച്ചിലിന് പിന്നാലെ മന്ത്രി ടി സിദ്ദിഖിന്റെ പ്രതികരണം.മന്ത്രി ഇന്നും ഈ വാദം ആവര്ത്തിച്ചു. എന്നാല് മല ഇടിഞ്ഞിട്ടുണ്ടോയെന്ന് സംശയമുണ്ടെന്നാണ് മുഖ്യമന്ത്രി പറഞ്ഞത്.
മലയുടെ ചെറിയ ഭാഗം കൂടി ഇടിഞ്ഞുവീണെന്നായിരുന്നു റവന്യൂമന്ത്രി എ പി അനില്കുമാര് കഴിഞ്ഞ ദിവസം പറഞ്ഞത്.
