ഐഡിആര്‍ബിടിയില്‍ ഫിനാന്‍ഷ്യല്‍ ടെക്‌നോളജി പിജി ഡിപ്ലോമ

പ്രവേശന വിജ്ഞാപനം www.idrbt.ac.in/PGDFT- ല്‍
അപേക്ഷ ഓണ്‍ലൈനില്‍ ജൂലൈ 10 വരെ സ്വീകരിക്കും
പ്രവേശന പരീക്ഷ ജൂലൈ 13 ന്

ഹൈദരാബാദിലെ ഇന്‍സ്റ്റിറ്റ്യൂട്ട് ഫോര്‍ ഡവലപ്‌മെന്റ് റിസര്‍ച്ച് ഇന്‍ ബാങ്കിങ് ടെക്‌നോളജി (ഐഡിആര്‍ബിടി) 2026 ജൂലൈ 20 ന് തുടങ്ങുന്ന ഒരു വര്‍ഷത്തെ പോസ്റ്റ് ഗ്രാജ്വേറ്റ് ഡിപ്ലോമ ഇന്‍ ഫിനാന്‍ഷ്യല്‍ ടെക്‌നോളജി (പിജിഡിഎഫ്ടി) പ്രോഗ്രാം പ്രവേശനത്തിന് ഓണ്‍ലൈനില്‍ ജൂലൈ 10 വരെ അപേക്ഷ സ്വീകരിക്കും. പ്രവേശന വിജ്ഞാപനം www.idrbt.ac.in/PGDFT- ല്‍ ലഭ്യമാണ്. റിസര്‍വ്വ് ബാങ്കിന് കീഴിലുള്ള സ്ഥാപനമാണിത്.

യോഗ്യത: ഫസ്റ്റ് ക്ലാസ് ബിരുദക്കാര്‍ക്കും പോസ്റ്റ് ഗ്രാജ്വേറ്റ് ബിരുദക്കാര്‍ക്കും (60 ശതമാനം മാര്‍ക്കില്‍ കുറയരുത്) ഫലം കാത്തിരിക്കുന്നവര്‍ക്കും അപേക്ഷിക്കാം. ഗേറ്റ്/ഐഐഎം ക്യാറ്റ്/ജിമാറ്റ്/ജിആര്‍ഇ/സിമാറ്റ്/എക്‌സാറ്റ്/മാറ്റ്/സിയുഇടി/അറ്റ്മ എന്നിവയിലൊന്നില്‍ പ്രാബല്യത്തിലുള്ള സ്‌കോര്‍ ഉണ്ടായിരിക്കണം. അല്ലെങ്കില്‍ ഐഡിആര്‍ബിടി ജൂലൈ 13 ന് നടത്തുന്ന പ്രവേശന പരീക്ഷയില്‍ യോഗ്യത നേടണം. ഇതിന്റെ അടിസ്ഥാനത്തില്‍ അക്കാദമിക മികവ് കൂടി പരിഗണിച്ച് അപേക്ഷകരെ ഷോര്‍ട്ട് ലിസ്റ്റ് ചെയ്ത് ഗ്രൂപ്പ് ചര്‍ച്ചയും ഇന്റര്‍വ്യുവും നടത്തി തെരഞ്ഞെടുക്കും.

അപേക്ഷാ ഫീസ് 200 രൂപ. വിജ്ഞാപനത്തിലെ നിര്‍ദ്ദേശങ്ങള്‍ പാലിച്ച് വേണം അപേക്ഷ നല്‍കേണ്ടത്.

പ്രോഗ്രാം ഫീസ് മൊത്തം 5 ലക്ഷം രൂപയും ജിഎസ്ടിയും ഗഡുക്കളായി അടയ്‌ക്കാം. താമസസൗകര്യം ലഭിക്കും. അന്വേഷണങ്ങള്‍ക്ക് [email protected] എന്ന ഇ-മെയിലിലും 04023294141 എന്ന ഫോണ്‍ നമ്പറിലും ബന്ധപ്പെടാം.
വിജയകരമായി പഠനം പൂര്‍ത്തിയാക്കുന്നവര്‍ക്ക് ധനകാര്യ-ബാങ്കിങ് മേഖലകളിലും മറ്റും മികച്ച തൊഴില്‍ സാധ്യതകളുണ്ട്.