ന്യൂദല്ഹി: ഗ്രൂമിങ്ങ് ഗ്യാങ്ങ് എന്നറിയപ്പെടുന്ന പാകിസ്ഥാനില് നിന്നുള്ള ചെറുകിട ബിസിനസുകാരായ മുസ്ലിം ഗ്രൂപ്പുകള് ബ്രിട്ടനിലെ സര്ക്കാരിന്റെ പേടിസ്വപ്നമായി മാറിയിരിക്കുന്നു. ബ്രിട്ടനിലേക്ക് കുടിയേറി ഹോട്ടല്, ബേക്കറി ഉള്പ്പെടെയുള്ള ചെറുകിട ബിസിനുസകള് നടത്തുന്നവരാണ് ഗ്രൂമിങ്ങ് ഗ്യാങ്ങുകള് എന്ന് അറിയപ്പെടുന്നത്. ഒറ്റപ്പെട്ട ബ്രിട്ടീഷ് പെണ്കുട്ടികളുമായി ചങ്ങാത്തം സ്ഥാപിച്ചുകൊണ്ടാണ് ഇവര് ബന്ധം തുടങ്ങുക.
വിലക്കുറവില് ഭക്ഷണം കൊടുക്കുന്ന പാകിസ്ഥാന്കാര് നടത്തുന്ന ഹോട്ടലുകളിളേക്ക് ഭക്ഷണം കഴിക്കാന് യുകെയിലുള്ള ദരിദ്രരായ ഇംഗ്ലീഷ് യുവതികള് വരുമ്പോഴാണ് ഹോട്ടലുടമകളും മറ്റും ഈ യുവതികളുമായി ചങ്ങാത്തം സ്ഥാപിക്കുക. പിന്നീട് ഈ പെണ്കുട്ടികള്ക്ക് എല്ലാ സഹായങ്ങളും ഇവര് ചെയ്തുകൊടുക്കും. ഭക്ഷണം കൊടുക്കും, പണം കടം കൊടുക്കും, സമ്മാനങ്ങള് നല്കും, മദ്യം നല്കും, മയക്കമരുന്ന് വേണമെങ്കില് അത് നല്കും…അങ്ങിനെ ഈ പെണ്കുട്ടികളുമായി വിശ്വസ്തത സ്ഥാപിക്കും. പിന്നീട് ഇവരെ ഒരു തരത്തില് ആശ്രിതര് പോലെ ആക്കി മാറ്റും. ഇതുകൊണ്ടാണ് ഇവരെ ഗ്രൂമിങ്ങ് ഗ്യാങ്ങ് എന്ന് വിളിക്കുന്നത്. പിന്നീട് ഈ പെണ്കുട്ടികളെ പറ്റുമെങ്കില് മതപരിവര്ത്തനം ചെയ്യിച്ച് ഇസ്ലാമാക്കും. ഇനി മത പരിവര്ത്തനം നടത്തിയാലും ഇല്ലെങ്കിലും പിന്നീട് ഈ പെണ്കുട്ടികളെ ചൂഷണം ചെയ്യും, പീഡിപ്പിക്കും, അതിക്രൂരമായി ബലാത്സംഗം ചെയ്യും. ഇങ്ങിനെ എത്രയോ കേസുകള് ബ്രിട്ടനിലെ കോടതിയില് എത്തിയതോടെയാണ് ബ്രിട്ടീഷ് സര്ക്കാര് ഇക്കാര്യം ഗൗരവമായി എടുത്തിരിക്കുന്നത്.
ഇതുപോലെ തന്നെയാണ് കേരളത്തിലെ ലവ് ജിഹാദും. ഹിന്ദു പെണ്കുട്ടികളുമായി വിശ്വസ്തത നിറഞ്ഞ ഒരു ബന്ധം ആദ്യം മുസ്ലിം യുവാക്കള് സ്ഥാപിക്കുന്നു. അവര്ക്ക് ആഹാരം വാങ്ങിക്കൊടുക്കുന്നു, എല്ലാവിധ സഹായങ്ങളും ചെയ്തുകൊടുക്കുന്നു. അങ്ങിനെ വിശ്വാസ്യത സ്ഥാപിച്ച ശേഷമാണ് പിന്നീട് പ്രണയം തുടങ്ങുക. അതിന് ശേഷമാണ് മതപരിവര്ത്തനം നടത്തുക.
