ചണ്ഡീഗഢ് : പഞ്ചാബ് കോണ്ഗ്രസ് അദ്ധ്യക്ഷ സ്ഥാനത്തേക്ക് പരിഗണിക്കാത്തതിലുള്ള അതൃപ്തി പരസ്യമായി പ്രകടിപ്പിച്ച് മുന് മുഖ്യമന്ത്രി ചരണ്ജിത് സിംഗ് ചന്നി. നേതൃത്വത്തിന്മേല് സമ്മര്ദ്ദം ശക്തമാക്കുന്നതനിന്റെ ഭാഗമായി പാര്ട്ടി സ്ഥാനങ്ങള് രാജിവയ്ക്കാനും ചന്നിയുടെ വിശ്വസ്തര് ആലോചിക്കുന്നു. നിയമസഭാ തെരഞ്ഞെടുപ്പിന് മുന്നോടിയായി പാര്ട്ടിയില് ഉടലെടുത്ത പുതിയ പ്രതിസന്ധി ഹൈക്കമാന്ഡിന് വലിയ തലവേദനയായിരിക്കയാണ്.
അമരീന്ദര് സിംഗ് രാജ വാറിംഗിനെ സംസ്ഥാന അദ്ധ്യക്ഷനായി നിലനിര്ത്താനുള്ള തീരുമാനത്തില് തങ്ങള്ക്ക് അതൃപ്തിയുണ്ടെന്ന് ചന്നിയുടെ അനുയായികള് വ്യക്തമാക്കി. പുനഃപരിശോധിക്കാന് പാര്ട്ടി നേതൃത്വത്തോട് തീരുമാനം ആവശ്യപ്പെടുകയും ചെയ്തു.
ഇന്ന് മൊറിന്ഡയിലെ ചന്നിയുടെ വസതിയില് 65 ഓളം കോണ്ഗ്രസ് നേതാക്കള് യോഗം ചേര്ന്ന് സ്വീകരിക്കേണ്ട തന്ത്രങ്ങള് ചര്ച്ച ചെയ്തു. യോഗത്തില് അഞ്ച് സിറ്റിംഗ് എംഎല്എമാരും മുന് ഉപമുഖ്യമന്ത്രി ഒപി സോണി അടക്കമുള്ള നിരവധി മുതിര്ന്ന കോണ്ഗ്രസ് നേതാക്കളും മുന് നിയമസഭാംഗങ്ങളും യോഗത്തില് പങ്കെടുത്തു.
