ന്യൂഡൽഹി : ലോക്സഭാ എംപിയും മുതിർന്ന കോൺഗ്രസ് നേതാവുമായ മനീഷ് തിവാരി പാർട്ടി വിട്ടേക്കുമെന്ന് സൂചന . ആളുകളുടെയും സംഘടനകളുടെയും അരക്ഷിതാവസ്ഥയ്ക്ക് ഒരു ഉറപ്പായ പരിഹാരം ലഭിച്ചിരുന്നെങ്കിൽ എന്ന് താൻ ആഗ്രഹിക്കുന്നുവെന്ന് വ്യക്തമാക്കി കഴിഞ്ഞ ദിവസം മനീഷ് തിവാരി സോഷ്യൽ മീഡിയയിൽ പോസ്റ്റ് പങ്ക് വച്ചിരുന്നു.
തിവാരി പാർട്ടി വിട്ടാൽ അത് പഞ്ചാബ് നിയമസഭാ തിരഞ്ഞെടുപ്പിന് മുന്നോടിയായി കോൺഗ്രസിനുണ്ടാകുന്ന ഏറ്റവും വലിയ തിരിച്ചടിയാകും. കഴിഞ്ഞ ദിവസമാണ് സംസ്ഥാന കോൺഗ്രസ് നേതൃത്വത്തിൽ വലിയ മാറ്റങ്ങളൊന്നും ഉണ്ടാകില്ലെന്ന് പാർട്ടി വ്യക്തമാക്കിയത് . പഞ്ചാബ് പ്രദേശ് കോൺഗ്രസ് കമ്മിറ്റിയുടെ പ്രസിഡന്റായി അമരീന്ദർ സിംഗ് രാജ വാറിംഗ് തുടരുമെന്നും, നിയമസഭയിൽ കോൺഗ്രസ് നിയമസഭാ കക്ഷി നേതാവായി പ്രതാപ് സിംഗ് ബജ്വ തുടരുമെന്നും കോൺഗ്രസ് വ്യക്തമാക്കുകയും ചെയ്തിരുന്നു.
അതിനു പിന്നാലെയാണ് “കുറച്ച് കഴിവുള്ളത് ഒരാളിലെ വലിയ പോരായ്മയൊന്നുമല്ല . ആളുകളുടെയും സംഘടനകളുടെയും അരക്ഷിതാവസ്ഥയ്ക്ക് ഒരു ഉറപ്പായ പരിഹാരം എനിക്ക് ലഭിച്ചിരുന്നെങ്കിൽ എന്ന് ഞാൻ ആഗ്രഹിക്കുന്നു . കഴിഞ്ഞ 45 വർഷത്തിനിടെ ഇന്ത്യൻ നാഷണൽ കോൺഗ്രസിൽ നിന്ന് എനിക്ക് ധാരാളം കാര്യങ്ങൾ ലഭിച്ചിട്ടുണ്ട്. എന്റെ മുഴുവൻ മുതിർന്ന ജീവിതവും പാർട്ടിയെ സേവിക്കുന്നതിനായി സമർപ്പിച്ചിട്ടുമുണ്ട്. എന്തായാലും ഉണ്ടാകും, ‘സംഭവിക്കേണ്ടത് എന്തായാലും സംഭവിക്കും’ – എന്ന പോസ്റ്റും അദ്ദേഹം സമൂഹമാധ്യമത്തിൽ പങ്ക് വച്ചിരുന്നു.
