തിരുവനന്തപുരം: ഭാരത സൈന്യത്തിനും രാജ്യത്തിനും ആറ് പതിറ്റാണ്ടുകളായി സമര്പ്പിത സേവനം നടത്തിവരുന്ന തിരുവനന്തപുരം പാങ്ങോട് സൈനിക കേന്ദ്ര ആസ്ഥാനം 60-ാം സ്ഥാപകദിനം ആഘോഷിച്ചു. യുദ്ധസ്മാരകത്തില് പുഷ്പചക്ര സമര്പ്പണത്തോടെ ചടങ്ങുകള് ആരംഭിച്ചു. പ്രത്യേക സൈനിക സമ്മേളനം കേന്ദ്രം മേധാവി ബ്രിഗേഡിയര് അനുരാഗ് ഉദ്ഘാടനം ചെയ്തു.
1966 ജൂണ് 29ന് പാങ്ങോട് സൈനിക കേന്ദ്ര ആസ്ഥാനം സ്ഥാപിച്ചത് മുതല് ദക്ഷിണ ഭാരതത്തിലെ സൈനിക സേവന നിര്വഹണം, സൈനിക കേന്ദ്രങ്ങളുടെ നടത്തിപ്പ്, വിമുക്ത ഭടന്മാരുടെ ക്ഷേമം എന്നിവക്കുള്ള ഒരു പ്രധാന കേന്ദ്രമാണ് ഈ സൈനിക ആസ്ഥാനമെന്ന് ബ്രിഗേഡിയര് അനുരാഗ് ഉപാധ്യായ പറഞ്ഞു. കേരളത്തിലും തമിഴ്നാട്ടിലുമായി 11 ഇസിഎച്ച്എസ് പോളിക്ലിനിക്കുകള്, ഒരു സമര്പ്പിത വെറ്ററന് സെല്, 10 വിമുക്തഭട കാന്റീനുകളുടെ നടത്തിപ്പ് എന്നിവയിലൂടെ 5.97 ലക്ഷം വിമുക്തഭടന്മാര്ക്കും വിധവകള്ക്കും ആശ്രിതര്ക്കും ഈ സൈനിക കേന്ദ്രം സേവനം നല്കുന്നു. വെല്ലുവിളികളെ അതിജീവിക്കാനും രാജ്യത്തിന് വേണ്ടി മികച്ച സേവനം കാഴ്ചവയ്ക്കാനുമുള്ള അചഞ്ചലമായ ദൃഢനിശ്ചയത്തിന് ‘ദി മൂവേഴ്സ്’ എന്നറിയപ്പെടുന്ന സ്റ്റേഷന് ആസ്ഥാനം സേവനത്തിന്റെയും പ്രതിരോധശേഷിയുടെയും പ്രതിബദ്ധതയുടെയും പ്രതീകമാണെന്നും അദ്ദേഹം പറഞ്ഞു. മികച്ച സൈനിക ഉദ്യേഗസ്ഥരെ ചടങ്ങില് ആദരിച്ചു. പാങ്ങോട് കേന്ദ്ര ആസ്ഥാനത്തെ അഡ്മിന് കമാന്ഡന്റ് കേണല് സൂര്യ മുഖര്ജി നന്ദി രേഖപ്പെടുത്തി.
