ന്യൂദല്ഹി: പഹല്ഗാം ഭീകരാക്രമണത്തിന് തിരിച്ചടിയായി ഇന്ത്യന് സൈന്യം നടത്തിയ ഓപ്പറേഷന് സിന്ദൂറില് ആറ് സൈനികര് വീരമൃത്യു വരിച്ചെന്ന് സ്ഥിരീകരിച്ച് രാജ്യം.വീരമൃത്യു വരിച്ച അഞ്ച് കരസേനാംഗങ്ങളുടെയും ഒരു വ്യോമസേനാംഗത്തിന്റെയും പേര് കേന്ദ്രസര്ക്കാര് ഔദ്യോഗികമായി പുറത്തുവിട്ടു.
സുബേദാര് മേജര് പവന് കുമാര്, റൈഫിള്മാന് സുനില് കുമാര്, ലാന്സ് നായിക് ദിനേശ് കുമാര്, അഗ്നിവീര് മുരളി നായിക്, ഹവില്ദാര് സുനില് കുമാര് സിംഗ്, വ്യോമസേന സര്ജന്റ് സുരേന്ദ്ര കുമാര് എന്നിവരാണ് വീരമൃത്യു വരിച്ചത്.ആദ്യമായാണ് ഇവരുടെ പേരുകള് പുറത്തുവിടുന്നത്.വീരമൃത്യു വരിച്ച സൈനികരുടെ പേരുകള് ദല്ഹിയിലെ ദേശീയ യുദ്ധ സ്മാരകത്തില് ഗ്രാനൈറ്റ് ശിലയില് എഴുതിച്ചേര്ത്തു.
2025 ഏപ്രില് 22ന് കാഷ്മീരില് ലഷ്കര് ഭീകരര് നടത്തിയ വെടിവയ്പ്പില് വിനോദസഞ്ചാരികളും പ്രദേശവാസികളും ഉള്പ്പെടെ 26 പേരാണ് മരിച്ചത്. ഇതിനുള്ള തിരിച്ചടിയായാണ് ഇന്ത്യ മേയ് ഏഴിന് പാകിസ്ഥാനിലെ ഭീകരകേന്ദ്രങ്ങള്ക്കുനേരെ ഓപ്പറേഷന് സിന്ദൂര് എന്ന പേരിലുളള സൈനിക നടപടി ആരംഭിച്ചത്.പാകിസ്ഥാനിലെയും പാക് അധിനിവേശ കാഷ്മീരിലെയും ഭീകര കേന്ദ്രങ്ങള് ലക്ഷ്യമിട്ട് നാലു ദിവസമാണ് ഇന്ത്യ ആക്രമണം നടത്തിയത്. ഇരുരാജ്യങ്ങളിലെയും സൈനികനേതൃത്വം നടത്തിയ ചര്ച്ചകളെ തുടര്ന്ന് മേയ് 10 ന് വെടിനിര്ത്തി.
